У Кіеве паліцыя затрымала мужчыну, які пагражаў падарваць мэтрамост праз Дняпро. Пра гэта паведамляе «Украінская праўда» са спасылкай на кіраўніка МУС Арсена Авакава.
Зламысьнік пасьля захопу моста зрабіў некалькі стрэлаў. Пра гэта паведамляе сталічная ўкраінская паліцыя. Гэта кваліфікуюць як падрыхтоўку тэракту. Аб загінулых і параненых не паведамляецца.
Агенцтва УНІАН са спасылкай на крыніцы ў праваахоўных органах піша, што імя нападніка — Аляксей Бялько. Ён служыць па кантракце ва ўкраінскай арміі. Бялько — ураджэнец Крыма, яму 42 гады.
