Ужо сёньня: дзень памяці Юркі Лістапада

Падзеі 5 чэрвеня ў беларускай і сусьветнай гісторыі.

Дата дня

5 чэрвеня 1938 году ў Сыбіры ў савецкім канцлягеры быў расстраляны Юрка Лістапад, дзяяч нацыянальна-вызваленчага руху, адзін з кіраўнікоў Слуцкага паўстаньня.

ГЛЯДЗІЦЕ ТАКСАМА:

Праз жанчыну мусіў уцячы з Заходняй Беларусі ў БССР. 20 фактаў пра Юрку Лістапада

Таксама ў гэты дзень

1919 — у Вільні выйшаў першы нумар газэты «Беларускае жыцьцё». Рэдактар Францішак Аляхновіч.

«Сьмех таксама, як і хлеб, адна з галоўнейшых патрэб».
Францішак Аляхновіч

1923 — у Вільні выйшаў першы нумар газэты «Вольны Сьцяг», органу Беларускай Рэвалюцыйнай Арганізацыі (выдавалася да 14 кастрычніка 1923 году), была забароненая польскімі ўладамі.

1947 — дзяржсакратар ЗША Джордж Маршал выступіў з прамовай у Гарвардзкім унівэрсытэце, у якой выклаў праграму дапамогі пасьляваеннай Эўропе, якая пазьней атрымала назву «плян Маршала».

У гэты дзень нарадзіліся

1854 — Юры Пэн, мастак-жывапісец, пэдагог, выбітны дзяяч «габрэйскага рэнэсансу» ў беларускім мастацтве пачатку XX ст.

1870 — Зыгмунт Лазінскі, беларускі каталіцкі дзеяч, біскуп Менскі, пасьля Пінскі.

У памяці

2004 — ня стала Рональда Рэйгана, 40-га прэзыдэнта ЗША.

«Урад не вырашае праблемаў — ён іх фінансуе».
Рональд Рэйган

​

​