Магілёўскі лёгкаатлет Дзьмітры Набокаў паставіў новы беларускі рэкорд у скоках у вышыню, паведамляе Беларуская фэдэрацыя лёгкай атлетыкі.
Падчас рэспубліканскай унівэрсіяды ў Берасьці Набокаў скокнуў на вышыні 2 м 36 см. Папярэдні рэкорд 2 м 34 см быў усталяваны Андрэем Санковічам у 1993 годзе.
Сусьветны рэкорд па скокам у вышыню 2 м 45 см у 1993 годзе ўсталяваў кубінец Хавіер Сатамаёр. Ён жа ўсталяваў і два папярэдніх рэкорды ў 1988 і 1989 годзе.
