Паўночная Карэя заявіла аб неадкладным спыненьні ядзерных і ракетных выпрабаваньняў і пра закрыцьцё ядзернага палігона на поўначы краіны. Па паведамленьнях паўночнакарэйскіх СМІ, рашэньне было прынята з мэтай садзейнічаць эканамічнаму росту і сьвеце на Карэйскай паўвысьпе.
Па словах Кім Чэн Ына, у Пхеньяна больш няма неабходнасьці ў правядзеньні такіх выпрабаваньняў, паколькі краіна завершыла стварэньне ядзернай зброі.
Рашэньне прынята ў пятніцу на паседжаньні цэнтральнага камітэта кіроўнай Працоўнай партыі Карэі. Яна ўступае ў сілу з 21 красавіка.
Прэзыдэнт ЗША Дональд Трамп вітаў заяву паўночнакарэйскага лідэра аб неадкладнай прыпыненьні ядзерных і ракетных выпрабаваньняў і дадаў, што з нецярпеньнем чакае сустрэчы з ім на саміце, паведамляе «Голас Амэрыкі».
«Паўночная Карэя пагадзілася прыпыніць усе ядзерныя выпрабаваньні і зачыніць адзін з асноўных палігонаў. Гэта вельмі добрая навіна для Паўночнай Карэі і для ўсяго сьвету — вялікі прагрэс! Зь нецярпеньнем чакаю нашага саміту», — напісаў кіраўнік Белага дома на сваёй старонцы ў «Твітэры».
