Прэзыдэнт Украіны Пятро Парашэнка назваў сыход расейскіх банкаў з краіны «пытаньнем часу». Такую заяву ён зрабіў падчас паседжаньня Рады нацыянальнай бясьпекі і абароны Ўкраіны.
Нацыянальны банк Украіны прапануе падоўжыць санкцыі супраць даччыных устаноў расейскіх банкаў, якія знаходзяцца на тэрыторыі Ўкраіны. Рашэньне наконт гэтага павінна прыняць Рада нацыянальнай бясьпекі і абароны.
Па словах Парашэнкі, сыход расейскіх банкаў не закране інтарэсы кліентаў і ўкладчыкаў. Ён удакладніў, што амаль за год дзеяньня санкцый «сапраўдныя актывы ўкраінскіх банкаў з расейскім дзяржаўным капіталам скараціліся на траціну».
Санкцыі супраць пяці расейскіх банкаў — «Сбербанка», «ВиЭс Банка», «Акционерного коммерческого промышленно-инвестиционного банка», «ВТБ Банка» і «БМ Банка» — былі ўведзеныя ў сакавіку летась. Ім забаронена выводзіць грошы з Украіны.
