Паліцыя Вялікай Брытаніі затрымала 18-гадовага мужчыну ў партовым горадзе Дуўр. Яго падазраюць у датычнасьці да выбуху бомбы ў лёнданскім мэтро 15 верасьня.
Іншыя падрабязнасьці не паведамляюцца.
Ад выбуху ў лёнданскім мэтро пацярпелі 29 чалавек, больш як 20 зь іх застаюцца ў шпіталі, іх жыцьцю пагрозы няма.
Адказнасьць за тэракт у Лёндане 15 верасьня ўзяла на сябе Тэрарыстычная групоўка «Ісламская дзяржава».
