Мінабароны Беларусі паведамляе, што для ўдзелу ў сумесных стратэгічных вучэньнях «Захад-2017» на вайсковыя аэрадромы Беларусі прыбылі расейскія самалёты і верталёты.
«Сёньня на вайсковыя аэрадромы перабазаваліся самалёты і верталёты авіяцыі Заходняй вайсковай акругі Узброеных сілаў Расеі, якія возьмуць удзел у сумесным стратэгічным вучэньні ўзброеных сілаў Рэспублікі Беларусь і Расейскай Фэдэрацыі «Захад-2017».
У ходзе вучэньняў на тэрыторыі Рэспублікі Беларусь будзе задзейнічана больш за 40 лятальных апаратаў дзьвюх дзяржаў.
