На прапанову актыўных бацькоў Таварыства беларускай мовы імя Францішка Скарыны наладзіць 20 ліпеня грамадзкае абмеркаваньне на тэму «Беларускамоўная адукацыя: выклікі, праблемы ды шляхі іх вырашэньня».
У сходзе возьме ўдзел першая намесьніца старшыні ТБМ, дэпутатка Палаты прадстаўнікоў Алена Анісім.
Падчас дыскусіі плянуецца абмеркаваць:
- прычыны зьмяншэньня колькасьці беларускамоўных школаў і клясаў у краіне;
- адсутнасьць пераемнасьці беларускамоўнай адукацыі па лініі дзіцячы садок — школа — унівэрсытэт;
- падыходы Міністэрства адукацыі да стварэньня новых беларускамоўных групаў, клясаў, школаў, гімназіяў і ліцэяў.
Таварыства беларускай мовы запрашае да дыскусіі 20 ліпеня а 18:30 на сваёй сядзібе ў Менску (вуліца Румянцава, 13).
