Адзін чалавек загінуў і прынамсі 22 параненыя ў выніку двух выбухаў у курортным горадзе Хуахін ў Тайляндзе. Чацьвёра пацярпелых — у крытычным стане.
У ліку параненых — некалькі замежных турыстаў.
Паводле папярэдніх дадзеных, выбухнулі дзьве бомбы.
У ноч на чацьвер спрацавала выбуховае прыстасаваньне ў тайскай правінцыі Пхукет. Адзін чалавек загінуў, шасьцёра былі параненыя.
Менш за тыдзень таму выбарнікі Тайлянду — паводле афіцыйных дадзеных — падтрымалі новую канстытуцыю, прынятую ваеннымі ўладамі краіны.
