Прэзэнтацыя кнігі «Алексіевіч на Свабодзе» ў Палацы Рэспублікі

Радыё Свабода і Саюз беларускіх пісьменьнікаў праводзяць урачыстую прэзэнтацыю кнігі «Алексіевіч на Свабодзе» ў малой залі Палаца Рэспублікі 14 красавіка а 16-й гадзіне. Удзел у імпрэзе бярэ Сьвятлана Алексіевіч. Пачатак жывой трансьляцыі з прэзэнтацыі а 15:30.

У сэрыі «Бібліятэка Свабоды — XXI стагодзьдзе» выйшла кніга «Сьвятлана Алексіевіч на Свабодзе». Пад адной вокладкай сабраныя матэрыялы, якія больш чым паўтара дзесяцігодзьдзі гучалі на хвалях Радыё Свабода — інтэрвію са Сьвятланай Алексіевіч, дыскусіі зь яе ўдзелам, рэпартажы пра сустрэчы з чытачамі ды іншыя тэксты пра першую ў Беларусі ляўрэатку Нобэлеўскай прэміі.

Гэта не прадугледжвалася адмыслова, але сёньняшняя сустрэча з Алексіевіч — першы публічны выступ у Беларусі пасьля «Нобэля» — пройдзе ў месцы, выяўленым на вокладцы ейнай кнігі «Час сэканд-хэнд», у Палацы Рэспублікі. Уваход зь левага боку, калі глядзець на вокладку.

Пакуль не пачалася прэзэнтацыя (і віэдатрансьляцыя), праверце, ці добра вы ведаеце аўтарку, яе кнігі і лёс:

Тэст: Наколькі добра мы ведаем Алексіевіч?

Запусьцілася жывая відэатрансьляцыя. Глядзіце на Youtube ці ў вакенцы вышэй ↑ .

Але! Так рыхтавалі сцэну да прэзэнтацыі:

Дарэчы, Алексіевіч нядаўна пагадзілася стаць ганаровай старшынёй аргкамітэту «Чарнобыльскага шляху».

А яшчэ ў нас на Facebook ёсьць жывая бэкстэйдж-трансьляцыя — не дублікат асноўнай, а асобная. Далучайцеся!

Вось-вось пачнецца прэзэнтацыя. Пакуль можаце паглядзець, што было на мінулай сустрэчы з Алексіевіч ва Ўкраіне:

Алексіевіч у Кіеве: «Жыцьцё шалёна цікавае, ну які тут камунізм?»

Згадаем пару гістарычных фотаў: