Яна стала лідэрам галасаваньня ў фінале нацыянальнага адбору ва Ўкраіне. Джамала атрымала найвышэйшы вынік ад гледачоў — 6 балаў, а ад журы — 5 балаў.
Журы аддало перавагу групе The Hardkiss — 6 балаў. Аднак глядацкія галасы зьяўляюцца больш важкімі і дзякуючы ім на «Эўрабачаньні-2016» Украіну будзе прадстаўляць Джамала. Джамала выступіць з уласнай кампазіцыяй пад назвай «1944», прысьвечанай тэме рэпрэсій сталінскага рэжыму супраць крымскататарскага народу — дэпартацыі 1944 года.
Паўфіналы «Эўрабачаньня» пройдуць 10 і 12 траўня, фінал конкурсу — 14 траўня 2016 года.
