#плошча прагаласавала за наступную сустрэчу ў панядзелак https://t.co/UUAWKY57kb
— Радыё Свабода (@svaboda) 15.2.2016
Пасьлязаўтра а 14:30 у судзе Маскоўскага раёну горада Менска будуць судзіць прадпрымальніцу Ірыну Яскевіч. Лябедзька заклікае прыйсьці да суду і падтрымаць яе.
Мікола Статкевіч: "Паважаныя прадпрымальнікі! Купіце сабе мэгафоны! Калі не хапае грошай, скінемся".
"Усё, што адбываецца, адбываецца таму, што ў нашага народу скралі ўладу", — Статкевіч да мітынгу.
Статкевіч тлумачыць: трэба, каб улады рабілі так, каб праз чатыры гады людзі прагаласавалі за яе, але цяпер яны пра такое ня думаюць. Макаеў заклікае людзей падтрымаць Статкевіча, натоўп скандуе "Мікола! Мікола!".
"Калі ўлада будзе ў народу, Беларусь будзе нармальнай пасьпяховай краінай. Жыве Беларусь!", — крыкнуў Статкевіч. Народ падтрымаў: "Жыве Беларусь!".
Макаеў тлумачыць: гэта мусіць быць ня лёзунгам апазыцыі, а лёзунгам народу. Народ на Плошчы гукае "Жыве Беларусь!".
Алесь Макаеў: Ірыну Яскевіч, Віктара Гарбачова і іншых сапраўды цкуюць улады. Салідарнасьць прадпрымальнікаў павінна быць па ўсіх рэгіёнах: "Я зьвяртаюся да ўсіх актывістаў, у тым ліку "Пэрспэктывы", сабрацца тут у наступны панядзелак".
Макаеў: Нас падзялілі на чэсных і нячэсных, але лёзунг Жыве Беларусь -- агульны. Плошча: Жыве Беларусь!#плошча https://t.co/W7AAgH2gqM
— Радыё Свабода (@svaboda) 15.2.2016
Мужчына з расьцяжкай "Нет обнищанию народа" і Канстытуцыяй у руках: "Я за тое, каб у краіне працавалі законы, а ня ўказы-дэкрэты. Я просты працоўны, лідэр баранавіцкай ячэйкі прафсаюзу РЭП. Гэты плякат ужо быў на некалькіх мітынгах". Ён прапануе, каб улада была мабільнай, абмежаваць прэзыдэнцкія і дэпутацкія тэрміны адным.
За падзеямі на плошчы пільна сочаць людзі ў цывільным з відэакамэрамі.#плошча https://t.co/E8KMA0ZXB1
— Радыё Свабода (@svaboda) 15.2.2016
Прадпрымальніца зь Менска абураная: «Кім мы толькі ня былі, і "вашывымі блыхамі", цяпер "бандытамі"».
Частка прадпрымальнікаў галасуе за тое, каб застацца на плошчы да вечара. Частка разыходзіцца. #плошча
— Радыё Свабода (@svaboda) 15.2.2016
Пэнсіянэрка Софья: Хопіць з нас рабіць футбольны мячык на футбольным полі.#плошча https://t.co/PdJFg9tEne
— Радыё Свабода (@svaboda) 15.2.2016
Ірына, прадпрымальніца са Слуцку: «Наш рынак стаіць ужо паўтара месяцы, таму прыехалі сюды на свой страх і рызыку. На рынку працуюць хіба 10%, а на рынку месцаў 300».
Пратэст прадпрымальнікаў сёньня ідзе ня толькі ў Менску.
На Кастрычніцкай плошчы загучаў трактар. Ці будуць «зачышчаць» мітынг, ці проста пашумяць, пакуль незразумела.
Прадпрымальніца на Плошчы тлумачыць карэспандэнту Свабоды: спрабавалі працаваць па правілах, знайшлі беларускіх пастаўшчыкоў, якія працуюць адпаведна новым правілам, але цэны атрымаліся надта высокія. Калі б зарплаты былі, як абяцалі, па 500 даляраў, народ мо і купляў бы боты па два мільёны, кажа яна.
Прадпрымальнік: трэба разарваць дамовы арэнды, а не працягваць плаціць. Інакш на ўладу не націснуць.#плошча https://t.co/pVsYGp4X1m
— Радыё Свабода (@svaboda) 15.2.2016
Прадпрымальніца на Плошчы: «Мы працавалі цэлы год у мінус. Не працуем ужо два месяцы, жывем незразумела на чым, на нейкай эўфарыі. Канешне, мы любім тое, чым займаліся, з мужам 23 гады аддалі гэтай працы. Але калі ў людзей няма грошай, калі ідзе фінансавая нагрузка, арэнда, працаваць ужо немагчыма. Ды як я зьмяню працу? 23 гады таму працавала выхавацелькай у дзіцячым садку пару год, але цяпер нічога ня ўмею».