«Мяне не прымусіш сілай купляць тавар, які мне не падабаецца. Гэта ня нашая віна, што развалілі беларускую прамысловасьць. З сытуацыі можна выйсьці — пакінуць люздей у спакоі, зьнізіць падаткі, прыбраць сэртыфікаты, прыбраць тэрміналы», — прадпрымальніца на Плошчы.
Пратэсты прадпрымальнікаў ідуць у розных гарадах краіны.
«Я так разумею, мітынг скончваецца», — кажа карэспандэнтка Свабоды на Плошчы. Цяпер людзі на Кастрычніцкай абмяркоўваюць між сабой вынікі сходу, але не сьпяшаюцца разыходзіцца.
Плошча вырашыла разыйсьціся да панядзелка. Пад лёзунгі "Салідарнасьць", Не бойцеся!" людзі разыходзяцца.#плошча https://t.co/LIp90qTJae
— Радыё Свабода (@svaboda) 15.2.2016
Алесь Макаеў: «У панядзелак, 22 лютага ў 12 гадзін вырашана зрабіць тут наступны мітынг».
«Даўно не было на Кастрычніцкай плошчы такіх масавых акцыяў пратэсту. Бачыце, права на мірныя сходы гэта ня страшна!» — Макаеў.
«Страйк будзе працягвацца. Улады будуць "расьцягваць" прадпрымальнікаў. Я ведаю, ужо робяць "ліпавыя" накладныя. Але прадпрымальнікам трэба зразумець: ня варта працаваць па шэрых схемах, трэба, каб былі нармальныя законы», — Макаеў.
Макаеў пра адзін з вынікаў плошчы: людзі ўбачылі, што гэта не страшна, сабрацца і патрабаваць.#плошча https://t.co/WSf4wHg2x5
— Радыё Свабода (@svaboda) 15.2.2016
«Мы вітаем перамовы. Але перамовы, фактычна, скасаваныя», — Макаеў.
Прадпрымальнікі зь Віцебска: «Было мала менчукоў. Крыўдна, бо гэта горад, якому трэба было выйсьці з дому, адпрасіцца з працы, бо ўказ №222 тычыцца ўсіх».
Аляксандар Буракоў, лідэр прадпрымальнікаў зь Віцебску, зьбіраецца занесьці рэзалюцыю са сходу ў Адміністрацыю Лукашэнкі. «Большасьць прадпрымальнікаў спадзяецца на тое, што ўлады адрэагуюць, адрэагуе прэзыдэнт, і дадуць магчымасьць нам працаваць легальна».
Стыхійны мітынг доўжыўся больш за гадзіну, цяпер ён завершаны, але на Плошчы застаецца шмат людзей, у тым ліку супрацоўнікаў спэцслужбаў, якія працягваюць здымаць кожнага, хто прамаўляе.
Акцыя ІП скончылася, наступная — 22 лютага
Па выніках стыхійнага мітынгу, на які сабраліся каля тысячы прадпрымальнікаў, актывістаў і палітыкаў, вырашылі сабрацца яшчэ раз у наступны панядзелак, 22 лютага а 12-й гадзіне на Кастрычніцкай плошчы. Віцебскія прадпрымальнікі панясуць рэзалюцыю зь сёньняшняга сходу ў адміністрацыю Лукашэнкі.
Сёньняшні мітынг абышоўся без затрыманьняў і практычна без перашкодаў з боку міліцыі і спэцслужбаў. Людзі падтрымлівалі Статкевіча, крычалі: «Мікола! Мікола!», гукалі: «Жыве Беларусь!».