На вясковых могілках у вёсцы Міхневічы на Смаргоншчыне ня так даўно зьявіўся надмагільны помнік-абвінавачаньне бальшавіцкаму рэжыму. Нашчадкі мясцовых жыхароў Паўла і Зінаіды Дудкаў выказалі ўласнае стаўленьне да таго, што давялося перажыць іх бацькам падчас калектывізацыі ды будаўніцтва «сьветлага будучага».
У вершаваных радках — сутнасьць «народнай улады»: забраць і падзяліць. І засмучэньне ад таго, што дачакацца той самай «сьветлай будучыні» так і не ўдалося:
«...Любіў зямлю — бальшавікі забралі.
Прадбачыў іх канец — не дачакаўся».
