Вайна ці мір? 15 гадзінаў перамоваў

Фотагалерэя: Дыпляматычны трыюмф Лукашэнкі

Расейскія СМІ: лідэры сэпаратыстаў ужо чакаюць у Менску

Лідэры самаабвешчаных «Данецкай і Луганскай народных рэспублік» Аляксандар Захарчанка і Ігар Платніцкі прыехалі ў Менск, каб падпісаць дакумэнт па ўрэгуляваньні ўзброенага канфлікту на ўсходзе Украіны ў выпадку посьпеху перамоваў лідэраў «нармандзкай чацьвёркі».

Пра гэта паведамляе агенцтва «Інтэрфакс», цытуючы «інфармаваную крыніцу».

Размова лідэраў Германіі, Расеі, Украіны і Францыі праходзіць учатырох, без удзелу дэлегацый, перадае БЕЛТА.

Журналіст LifeNews забрахаў па-сабачы ў Палацы незалежнасьці ў Менску

Адзін з расейскіх журналістаў тэлеканала LifeNews забрахаў па-сабачы перад камэрамі ў Палацы незалежнасьці ў Менску напярэдадні пачатку перамоваў лідэраў дзяржаў у «нармандзкім фармаце».

Яму зрабілі заўвагу за неадэкватныя паводзіны, аднак з памяшканьня ня вывелі.

У доме прыёмаў МЗС аднавілася сустрэча кантактнай групы па мірным урэгуляваньні на Ўсходзе Ўкріаны, перадае Інтэрфакс.

Прадстаўніца францускай дэлегацыі паведаміла журналістам, што перамовы ў нармандзкім фармаце пачаліся. Прэзыдэнты павінны былі выйсьці да журналістаў для супольнага фатаграфаваньня, але так і ня выйшлі.

Паводле іншай інфармацыі афіцыйныя перамовы пакуль не пачаліся, працягваюцца кантакты лідэраў краін чацьвёркі.

Пятро Парашэнка праводзіць трохбаковую сустрэчу з Франсуа Аляндам і Ангелай Мэркель. Як перадае Інтэрфакс, адразу ж пасля гэтай сустрэчы пачнуцца перамовы ў «нармандзкім фармаце».

Брытанскі прэм’ер засьцярог ад «залагоджваньня» Расеі

Прэм’ер-міністар Вялікабрытаніі Дэйвід Кэмэран 11 лютага засьцярог ад «залагоджваньня» Расеі напярэдадні чатырохбаковага саміту ў Менску, на якім спрабуюць спыніць вайну ва ўсходняй Ўкраіне.

Журналiст тэлеканалу "Расія" Павал Зарубiн сустрэў Парашэнку крыкам: "Зачем ваши войска бомбят мирных жителей Донбасса". Яго вывелi праз чорны ход

У Палац незалежнасьці прыбыў Пуцін

Франсуа Алянд і Ангела Мэркель правядзе «кароткую размову» з кіраўніком украінскай дзяржавы Пятром Парашэнкам перад сустрэчай з Уладзімерам Пуціным у Менску, перадае Reuters. Пачатак перамоваў заплянаваны на 21:00.

«Увесь сьвет сёньня чакае, або сытуацыя пойдзе шляхам дээскаляцыі, дамоўленасьці, спыненьня агню, адводу ўзбраеньняў і спыненьня гібелі людзей, або, калі Менск ня стане гэтым сымбалем, сытуацыя пойдзе фактычна ўразнос. Я перакананы, што ёсьць рызыка, што яна выйдзе з-пад кантролю», — заявіў Пётар Парашэнка падчас сустрэчы з Аляксандрам Лукашэнкам, перадае БЕЛТА.

Лукашэнка вітаў Мэркель і Алянда

На парозе Палацу незалежнасьці кіраўнікоў ФРГ і Францыі сустрэў Аляксандар Лукашэнка, яны абмяняліся некалькімі фразамі і зайшлі ў будынак. Лукашэнка ўручыў Мэркель букет кветак.

Праз 15 хвілін прыбудзе Ўладзімер Пуцін, і адбудзецца супольнае фатаграфаваньне.

Прэзыдэнт Украіны Пётар Парашэнка падкрэсьліў велізарнае міжнароднае значэньне менскай сустрэчы ў «нармандзкім фармаце». Пра гэта ён заявіў на сустрэчы з кіраўніком Беларусі Аляксандрам Лукашэнкам, перадае БЕЛТА. Сёньня вочы ўсяго сьвету прыкутыя да Менску, сказаў Парашэнка. Ён адзначыў, што паміж Украінай і Беларусьсю няма ніякіх двухбаковых праблем.

Лукашэнка запэўніў прэзыдэнта Ўкраіны, што Беларусь будзе рабіць усё магчымае для ўсталяваньня міру.

Журналіста тэлеканалу «Расея», які дазволіў сабе выкрык на адрас прэзыдэнта Ўкраіны каля Палаца незалежнасьці, выдалілі з асьвятленьня саміту за нягодныя паводзіны.

Прызямліўся самалёт Уладзімера Пуціна, яго сустракае ганаровая варта і віцэ-прэм’ер Русы, яго чакае картэж з 20 аўтамабіляў. Пуцін прыляцеў праз гадзіну пасьля Парашэнкі.