Паводле Расмусэна, Расея хоча падарваць эўрапейскія праекты зьвязаныя з выкарыстаньнем тэхналёгіі гідраўлічнага разрыву (fracking).
Расмусэн, былы прэм’ер-міністар Даніі, сказаў у чацьвер, выступаючы ў лёнданскім дасьледчым цэнтры Chatham House: «Я сустракаўся з саюзьнікамі, якія могуць паведаміць, што Расея, сярод іншых складаных інфармацыйных апэрацый і апэрацый дэзінфармацыі, актыўна супрацоўнічае з так званымі няўрадавымі арганізацыямі — экалягічнымі арганізацыямі, якія працуюць супраць сланцавага газу — для падтрыманьня залежнасьці Эўропы ад імпарту расейскага газу».
Ён адмовіўся паведаміць падрабязнасьці гэтых апэрацый, сказаўшы: «Гэта мая інтэрпрэтацыя». Расмусэн даў зразумець, што мэтад гідраўлічнага разрыву, на ягоную думку, варта выкарыстоўваць, каб атрымаць новыя крыніцы газу і нафты для павышэньня энэргетычнай бясьпекі Эўропы,
Прэсавая служба НАТО патлумачыла, што гэта асабістыя погляды Расмусэна, а не афіцыйная палітыка арганізацыі.
Гідраўлічны разрыў пласту — гэта мэтад, які ўжываецца, каб павялічыць здабычу на нафтавых і газавых сьвідравінах. У пласьце робіцца расколіна з дапамогай адмысловай вадкасьці пад вялікім ціскам. Шэраг экалягічных групаў пратэстуюць супраць гэтага мэтаду, папярэджваючы пра небясьпеку забруджваньня вады, а таксама тлумачачы, што гэта прывядзе да большага выкарыстаньня выкапнёвых відаў паліва і узмацніць глябальнае пацяпленьне.
Расмусэн, былы прэм’ер-міністар Даніі, сказаў у чацьвер, выступаючы ў лёнданскім дасьледчым цэнтры Chatham House: «Я сустракаўся з саюзьнікамі, якія могуць паведаміць, што Расея, сярод іншых складаных інфармацыйных апэрацый і апэрацый дэзінфармацыі, актыўна супрацоўнічае з так званымі няўрадавымі арганізацыямі — экалягічнымі арганізацыямі, якія працуюць супраць сланцавага газу — для падтрыманьня залежнасьці Эўропы ад імпарту расейскага газу».
Ён адмовіўся паведаміць падрабязнасьці гэтых апэрацый, сказаўшы: «Гэта мая інтэрпрэтацыя». Расмусэн даў зразумець, што мэтад гідраўлічнага разрыву, на ягоную думку, варта выкарыстоўваць, каб атрымаць новыя крыніцы газу і нафты для павышэньня энэргетычнай бясьпекі Эўропы,
Прэсавая служба НАТО патлумачыла, што гэта асабістыя погляды Расмусэна, а не афіцыйная палітыка арганізацыі.
Гідраўлічны разрыў пласту — гэта мэтад, які ўжываецца, каб павялічыць здабычу на нафтавых і газавых сьвідравінах. У пласьце робіцца расколіна з дапамогай адмысловай вадкасьці пад вялікім ціскам. Шэраг экалягічных групаў пратэстуюць супраць гэтага мэтаду, папярэджваючы пра небясьпеку забруджваньня вады, а таксама тлумачачы, што гэта прывядзе да большага выкарыстаньня выкапнёвых відаў паліва і узмацніць глябальнае пацяпленьне.
