ПАДЗЕІ ДНЯ
Менск, у клюбе «Графіці» – гурт «Разьбітае Сэрца Пацана».
Горадня. Літаратурная вечарына «Вялікдзень зь беларускай паэзіяй».
У Лёс-Анджэлесе, ЗША – цырымонія ўганараваньня кінематаграфічнай прэміяй «Оскар».
ГЭТЫ ДЗЕНЬ У ГІСТОРЫІ:
1923 – выйшаў першы нумар часопісу Time.
1992 – Беларусь усталявала дыпляматычныя дачыненьні з Польшчай.
1994 – Вярхоўны Савет Рэспублікі Беларусь прагаласаваў за прэзыдэнцкую форму кіраваньня краінай. Парлямэнцкая апазыцыя БНФ байкатавала галасаваньне, заявіўшы, што ўвядзеньне прэзыдэнцтва прывядзе да дыктатуры.
У гэты дзень нарадзіліся:
1562 – Крыштаф Мікалай Дарагастайскі, дзяржаўны дзяяч Вялікага княства Літоўскага, заснавальнік друкарні ў мястэчку Ашмяна Мураваная.
1824 – Бедржых Сметана, чэскі кампазытар, заснавальнік чэскай нацыянальнай кампазытарскай школы.
1859 – Шалом-Алейхем, габрэйскі пісьменьнік.
1896 – Станіслаў Глякоўскі, каталіцкі духоўнік, грамадзка-культурны дзяяч, выдавец, публіцыст.
1918 – Алесь Бачыла, беларускі паэт.
1926 – Валеры Жыскар Д'Эстэн, прэзыдэнт Францыі.
1931 – Міхаіл Гарбачоў, генэральны сакратар ЦК КПСС, прэзыдэнт СССР, ляўрэат Нобэлеўскай прэміі міру.
У гэты дзень памерлі:
1608 – Канстанцін Астроскі (малодшы), гетман войска ВКЛ. Праславіўся перамогай над амаль утрая большым маскоўскім войскам на рацэ Крапіўне пад Воршай 8 верасьня 1514 году. Бітва пад Воршай увайшла ў эўрапейскія хрэстаматыі ваеннай гісторыі як узор удалае тактыкі змаганьня з нашмат большымі сіламі ворага, як прыклад вырашальнага ўплыву таленту і майстэрства вайсковага начальніка на вынік баталіі.
1939 – Оскар Мілаш, францускі паэт беларускага паходжаньня, дзядзька і настаўнік ляўрэата Нобэлеўскай прэміі ў літаратуры 1980 году Чэслава Мілаша.
ЦЫТАТА НА ПАМЯЦЬ:
«Ня можа ж так быць, каб мы згубілі беларускую мову! Што б там начальства не вырабляла...»
Міхаіл Гарбачоў у інтэрвію Радыё Свабода, 2003 год
