Сярэдні заробак у студзені — трохі больш за 5 мільёнаў

У параўнаньні са сьнежнем намінальны заробак панізіўся на 9,4%, а рэальны — на 10,5%.

Бюджэтнікі атрымліваюць яшчэ меней. Сярэдні заробак у бюджэтнай сфэры — 3,97 млн рублёў.

Міністэрства фінансаў закладала нязьменны ўзровень рэальнага заробку пры плянаваньні бюджэту на 2014 год.

У сваім апошнім дакладзе МВФ рэкамэндаваў беларускаму ўраду «замарозіць» заробкі, каб абмежаваць попыт і спрыяць аднаўленьню канкурэнтаздольнасьці беларускіх прадпрыемстваў.