ПАДЗЕІ ДНЯ
Куцьця ў праваслаўных хрысьціян.
Гурт «Палац» запрашае на калядны канцэрт у менскім клюбе Re:Public. Музыкі зайграюць песьні з апошняга альбому «Кола грукатала», свае галоўныя хіты, а таксама кампазыцыі, якія не гучалі больш за 15 гадоў. Лідэр гурту Алег Хаменка абяцае ўзнагароду за самы прыгожы сьвяточны строй.
ТАКСАМА Ў ГЭТЫ ДЗЕНЬ
1582 – заключаны Ям-Зампольскі мір, якім скончылася Лівонская вайна.
1946 – нарадзіўся брытанскі гітарыст, сьпявак і кампазытар Сыд Барэт, заснавальнік і першы лідэр «Пінк Флойд», аднаго з найбольш славутых гуртоў у гісторыі рок-музыкі. Барэт пакінуў гурт у 1968-м, калі ягоныя экспэрымэнты з наркотыкамі давялі яго да псыхічнага расстройства. Барэт памёр у забыцьці ў 2006-м.
1975 – памёр Юрка Віцьбіч, беларускі пісьменьнік, дзяяч беларускай эміграцыі.
2004 – у Нью-Ёрку памёр беларускі паэт Янка Юхнавец. Атрымаўшы юрыдычную адукацыю ў Нямеччыне, Юхнавец з канца 1950-х жыў у ЗША. Выдаў зборнікі паэзіі «Шорах моўкнасьці», «Новая элегія», «Калюмбы».
2008 – Міхаіл Саакашвілі быў пераабраны на пасаду прэзыдэнта Грузіі.
ЦЫТАТА НА ПАМЯЦЬ
У Расеі ніколі не было суседзяў – толькі падпарадкаваныя ёй тэрыторыі.
Міхаіл Саакашвілі
