Майдан узмацняецца. Жывы блог, відэа

Хроніка падзеў раніцы 11 сьнежня

• Дзьмітрыеў: Януковіч можа справакаваць «беларускі сцэнар»
• Віталь Рымашэўскі: Украіна становіцца Беларусьсю
• Сутычкі пратэстоўцаў і «Беркуту». Жывое відэа
• Фотагалерэя: разгон Эўрамадану
• Кіеў: некаторыя намёты на Майдане ацалелі
• Відэа: украінскі спэцназ разганяе намётавае мястэчка на Майдане незалежнасьці
• Дзяржсакратар ЗША абураны дзеяньнямі ўкраінскіх уладаў
• Эштан усё яшчэ ў Кіеве, засмучаная дзеяньнямі Януковіча
• На Майдане невядомыя запускаюць салюты
• Януковіч плюнуў у твар 46-мільённаму народу, — Яцанюк
• Спэцназ пад будынкам прафсаюзаў. Выціскаюць дэманстрантаў
• МУС Украіны: газ не ўжывалі, намётаў не падпальвалі
• Клічко і міліцэйскі генэрал спрабуюць разьвесьці дэманстрантаў і спэцназ
• Мітынгоўцы спынілі «Беркут» на падыходзе да Майдану
• Разгону намётавага мястэчка ня будзе, — кіеўская міліцыя
• Разьбіраюць яшчэ адну барыкаду. Пусьцілі газ
• Намёты каля мэрыі дэмантавалі. Чакаецца штурм
• «Беркут» зачышчае Эўрамайдан. Актывісты адзначаюць, што акцыя — мірная
• Праезд зь левага берага ў бок майдану Незалежнасьці перакрыты
• Сілавікі выціскаюць людзей, пачаліся сутычкі
• Сілавікі прарываюць барыкады і рыхтуюць штурм будынка Кіеўскай адміністрацыі

Пачалася апэрацыя па вызваленьні будынку кіеўскай мэрыі

Пад самы ўваход у будынак кіеўскай мэрыі, дзе знаходзіцца штаб супраціву, падагнаныя аўтобусы. Вакол сабраліся людзі, якія скандуюць слоганы Майдану. Найбліжэй да аўтобусаў знаходзяцца мужчыны, пераважна ў памаранчавых касках, якія зазвычай складаюць грамадзкую ахову.

Праз вокны відаць, што ў будынку знаходзяцца людзі, таксама ў памаранчавых касках.

Уначы перад будынкам зачысьцілі Хрэшчасьцік ад намётаў. Пасьля сыходу «Беркуту», пратэстоўцы выцягнулі з другога паверху шлянг і залілі пляцоўку перад мэрыяй вадой, каб лёд запаволіў рух спецпадразьдзелаў пры магчымым штурме.

Цяпер перад у мэрыі пару тысяч чалавек.

Старшыня ўкраінскай партыі «Дэмакратычны альянс»: Мы блізкія да дыктатуры

Відэа ад нашага карэспандэнта

Ля мэрыі Кіева «Беркут» ужывае сьлёзацечны газ

Байцы спэцпадразьдзяленьняў «Бэркут» пачалі масава ўжываць сьлёзацечны газ каля будынку кіеўскай мэрыі. Гэта было ўспрынята прысутнымі як новая спроба штурму. Як перадае УНІАН, пасьля некалькіх хвілін жорсткага супрацьстаяньня тры аўтобусы, запоўненай байцамі спэцпадраздзяленьняў, што стаялі на падыходзе да будынка, пачалі вылучацца па Храшчаціку ў бок, процілеглы Майдану Незалежнасьці. Пратэстоўцы крычаць «Банду гэць!». Раней мітынгоўцы заблякавалі «Беркут» у аўтобусах каля КГДА.

Цяпер кіяўляне масава прыбываюць да будынка Кіеўскай гарадзкой дзяржаўнай адміністрацыі з боку вуліцы Багдана Хмяльніцкага. Сёньня каля 9 гадзін байцы «Беркута» прыбылі пад будынак КГДА і ажыцьцявілі спробу штурму. Мітынгоўцы пачалі паліваць «беркутаўцаў» вадой з брандспойтаў з другога паверха будынка мэрыі.

МУС Ўкраіны называе штурм Майдана «захадамі па добраўпарадкаваньні тэрыторыі», якія праводзіліся ноччу для зручнасьці грамадзян.

Севярынец: Падзеі ва Ўкраіне — гэта наша мінулае

Намесьніца дзяржсакратара ЗША на Майдане

На Майдане Незалежнасьці ў Кіеве зьявілася намесьніца дзяржаўнага сакратара ЗША Вікторыя Нуланд, якая стала валянтэрам і раздае грамадзянам ежу, паведамляе ўкраінская служба ВВС.

Мітынгоўцы аднаўляюць барыкады

Мітынгоўцы аднаўляюць і будуюць новыя барыкады на вуліцы Храшчацік насупраць Дома прафсаюзаў. Як перадае УНІАН, яны выкарыстоўваюць лаўкі і ўсе падручныя матэрыялы. Да ўзьвядзеньнгя загароджы далучаецца ўсё больш людзей.

Актывіст «Свабоды»: Караваны на Майдан едуць нават з усходу

«Беркут» увёў прапускны рэжым на Майдан

Як паведамляе карэспандэнт Свабоды, атрады «Беркута» цяпер стаяць з боку вуліцы Міхайлаўскай, каля Будынка прафсаюзаў і ўздоўж вуліцы Інстытуцкай. За мостам на Інстытуцкай стаіць кардон з «Беркуту», які прапускае толькі журналістаў, тых, хто працуе і жыве ў тым квартале.



Глядзець мапу тут

У намётавым гарадку пасьля начной зачысткі пацярпела частка намётаў. Барыкадаў уздоўж Інстытуцкай ужо няма.

Міністар Захарчанка: Разгону Майдана ня будзе

Байцы Ўнутраных войскаў пакінулі Храшчацік і пайшлі ў бок вуліцы Праразной.

Паводле УНІАН, на вуліцы Праразной каля 1 тысячы пратэстоўцаў атачылі аўтобусы з супрацоўнікамі ўнутраных войскаў і патрабуюць, каб яны зьехалі. Абедзьве машыны ад’ехалі пад воклічы пратэстуючых.

Тым часам міністар унутраных спраў Украіны Віталь Захарчанка заявіў, што разгону Майдана ня будзе. Пра гэта гаворыцца ў яго заяве, разьмешчанай на афіцыйным сайце МУС.

«Хачу ўсіх супакоіць — ніякага разгону Майдана не будзе. Ніхто не замахваецца на права грамадзян на мірны пратэст. Аднак нельга ігнараваць правы і законныя інтарэсы іншых грамадзян. Нармальнае функцыянаваньне сталіцы не павінна быць парушана»,— заявіў міністар.

Разблякіроўка вуліц ажыццёўлена ў мэтах выкананьня пастановы адміністрацыйнага суда аб забароне блякаваньня транспартных камунікацый,— дадаў ён.

Цяпер на Майдане незалежнасьці і Храшчаціку каля 25 тысяч пратэстоўцаў.

​

«Беркут» пакідае Храшчацік

Кардоны байцоў спэцпадраздзяленьня «Беркут» і Ўнутраных войскаў на Храшчаціку зьнятыя.

Кардоны байцоў спэцпадраздзяленьня «Беркут» і Ўнутраных войскаў на Храшчаціку зьнятыя. Як перадае УНІАН, усе праваахоўнікі селі ў аўтобусы, і шэраг аўтобусаў ўжо ад’ехаў з Храшчаціка. Актывісты Эўрамайдана памахалі ім усьлед рукамі. Між тым на Майдан заклікаюць прыходзіць, каб мітынг станавіўся большым. Таксама са сцэны зьвярнуліся, каб людзі з мэдыцынскай адукацыяй далучаліся да мэдыцынскай дапамогі на Майдане.

Алімпійскі чэмпіён Чухрай: Сутнасьць Яцанюка такая ж, як і Януковіча

Барацьба за Кіеўскую мэрыю