Майдан узмацняецца. Жывы блог, відэа

Па мэдыцынскую дапамогу пасьля сутычак пратэстоўцаў з Эўрамайдану з сіламі МУС Ўкраіны зьвярнуліся 476 удзельнікаў пратэстаў у Кіеве.

Такія лічбы за пэрыяд з 30 лістапада да 11 сьнежня агучыла Міністэрства аховы здароўя Ўкраіны.

Барыкады вакол Майдана адноўленыя

Барыкады аднавілі і ўзмацнілі з усіх бакоў Майдана незалежнасьці, дзе адбываецца мітынг пратэсту.

У аднаўленьні барыкад прымаюць удзел былыя вайскоўцы, якія ўзводзяць загароджы ў некалькі шэрагаў. Арганізаванае сталае дзяжурства па пэрымэтру Майдана. Міліцэйскія сілы адступілі, адступіўшы ва ўрадавы квартал.

Людзі кажуць, што арганізаваліся самі, паведамляе ўкраінскі 5 канал.

Нуланд сустракаецца з Януковічам

У Кіеве праходзіць сустрэча прэзыдэнта Ўкраіны Віктара Януковіча з намесьнікам дзяржсакратара ЗША па пытаньнях Эўропы і Эўразіі Вікторыяй Нуланд. Пра гэта паведамляе прэс-служба прэзыдэнта Ўкраіны.

Сустрэча адбываецца пасьля таго як спадарыня Нуланд пабывала на Майдане незалежнасьці і частавала дэманстрантаў печывам.




Дзяржсакратар ЗША Джон Кэры выступіў з заявай, у якой выказаў агіду з нагоды рашэньня ўладаў Украіны прымяніць сілу да мірнага пратэсту ў Кіеве.

Эўразьвяз патрабуе спыніць гвалт у Кіеве

Лінас Лінкявічус, міністар замежных спраў Літвы, якая старшынюе ў Эўразьвязе, заявіў, што ўжыўшы сілу супраць мірных дэманстрантаў, улады Ўкраіны прадэманстравалі, што ігнаруюць заклікі ЭЗ і ЗША да дыялёгу.

У спэцыяльнай заяве Лінкявічуса гучыць заклік да афіцыйнага Кіева не ўжываць далейшых крокаў, якія могуць пагоршыць сытуацыю:

«Дзеяньні ўладаў Украіны падрываюць яе абавязкі і адказнасьць як краіны, якая старшынюе ў АБСЭ. Я паўтараю заклік да ўкраінскай ўлады спыніць гвалтоўныя дзеяньні і правакацыі неадкладна, расьсьледаваць ўсе выпадкі гвалту і пакараць вінаватых».

МЗС Польшчы абураны гвалтам у краіне-старшыні АБСЭ

Януковіч згодны на дыялёг

Прэзыдэнт Віктар Януковіч гатовы да дыялёгу з апанэнтамі дзеля выхаду з палітычнага крызысу, які працягвае абвастрацца ва Ўкраіне.

Пра гэта заявіла ў эфіры Радыё Свабода кіраўнік Галоўнага ўпраўленьня па пытаньнях канстытуцыйна-прававой мадэрнізацыі адміністрацыі прэзыдэнта Ўкраіны Марына Ставнійчук.

Паводле яе слоў, у перамовах паміж уладай і апазыцыяй могуць удзельнічаць замежныя пасярэднікі – прычым ня толькі эўрапейскія партнэры, але і пасярэднікі з Расеі.

Першы прэзыдэнт Украіны Леанід Краўчук раней прапанаваў правесьці круглы стол з удзелам усіх бакоў для ўрэгуляваньня сытуацыі ва Ўкраіне. Януковіч заявіў, што гатовы ўдзельнічаць у такіх перамовах. Учора на гэты круглы стол не прыйшлі апазыцыянэры і прэзыдэнт. Круглы стол перанесьлі на сёньня.

Кіраваградзкі «Беркут» адмовіўся ехаць у Кіеў

Учора байцы кіраваградзкага «Беркута» адмовіліся грузіцца ў аўтобусы і ехаць у Кіеў для ўдзелу ў разгоне Майдану.

«Мы прынялі сумеснае рашэньне адмовіцца ад прымяненьня сілы да мірных мітынгоўцаў. Нягледзячы на пагрозы і магчымыя санкцыі супраць нас, увесь асабісты склад — 220 байцоў — адмовіўся грузіцца ў аўтобусы», — распавёў адзін з камандзіраў «Беркута» сайту «Рідний Кіровоград».

Камандзіры падраздзяленьняў па неафіцыйна інфармацыі адхіленьні ад выкананьня абавязкаў.

Памочнік дзяржсакратара ЗША Вікторыя Нуланд сустрэлася з удзельнікамі акцыяў пратэсту на Майдане Незалежнасьці ў Кіеве.

Нуланд — Януковічу: такія мэтады непрымальныя

Як гэта было раніцай: Байцы «Беркута» пад брандспойтам каля Кіеўскай мэрыі

Апазыцыя ў Кіеве рыхтуе маштабную маніфэстацыю

Някляеў: Ніводзін беларускі бізнэсоўца ня ўклаў ні капейкі, каб краіна зрушылася да дэмакратыі

Суд вызваліў з-пад варты двух затрыманых на Банкавай

Апэляцыйны суд Кіева прысудзіў выпусьціць з-пад варты актывіста Эўрамайдану Мікалая Лазарэўскага, арыштаванага падчас мітынгу каля Адміністрацыі прэзыдэнта 1 сьнежня і прызначыў яму ў якасьці меры стрыманьня хатні арышт.

Іншага затрыманага на Банкавай 1 сьнежня — 39-гадовага Юрыя Болатава суд пастанавіў выпусьціць з-пад варты.

З тэрміналаў аэрапорта «Барыспаль» эвакуююць людзей у сувязі з паведамленьнем аб замінаваньні

У міжнародным аэрапорце «Барыспаль» адбываецца эвакуацыя людзей і пэрсаналу ў сувязі з ананімным паведамленьнем аб замінаванні які паступіў у міліцыю.

«Мы пацьвярджаем, што на службу 102 паступіла паведамленьне аб замінаваньні тэрмінальных комплексаў аэрапорта. Зараз лінейны аддзел унутраных спраў эвакуіяваў пасажыраў з нерэжымных зон. У далейшым будуць праводзіцца ўсе неабходныя меры па праверцы гэтай інфармацыі» , — паведамілі ў прэс-службе аэрапорта.

Патрыярх Кіеўскі параўнаў спробу разгону Майдану з расьпяцьцем Хрыста

Пра замінаваньне паведаміў і Цэнтральны вакзал Кіева, перадае агенцтва Інтэрфакс-Украіна.

Намесьнік Дзяржсакратара ЗША сустрэлася зь Віктарам Януковічам

Майдан узмацніўся пасьля начной асады «Беркута»

Пратэстоўцы на Майдане ўзнавілі барыкаду на вуліцы Інстытуцкай, якую ўначы зьнёс «Беркут». Яна стала яшчэ больш моцнай.

Жыцьцядзейнасьць Майдану пасьля начной аблогі цалкам адноўленая. На плошчы ўсталёваўюць новыя намёты, працуе палявая кухня, адноўленая праца прэс-цэнтру, зь якога ўначы эвакуявалі журналістаў.

Недзе ў сярэдзіне дня ўсе спэцпадразьдзелы, якія запоўнілі плошчу а першай гадзіне ночы, былі выведзеныя.

А самае галоўнае — на майдан прыходзіць усё больш людзей.

Рэктар Кіева-Магілянскай акадэміі прыйшоў на Майдан з студэнтамі

Прафэсар, прэзыдэнт Кіева-Магілянскай акадэміі Сяргей Квіт кажа, што прыйсьці на Майдан было супольным рашэньнем іх грамады, а выключэньне студэнтаў «за палітыку» ў іх акадэміі проста немагчымае.