У рубрыцы Радыё Свабода «Сеткі падказалі» мы знаёмім вас зь цікавымі навінамі і тэмамі, якія зьяўляюцца, абмяркоўваюцца і намі выхопліваюцца з сацыяльных сетак.
Каб апынуцца ў абдымках прыгажунь, трэба размаўляць па-беларуску. З такім мэсыджам у рэклямным відэароліку сёньня стартаваў першы беларускамоўны онлайн-конкурс відэаролікаў «Крок наперад». Кожны ахвотны можа ўзяць удзел у конкурсе — зьняць цікавае матывацыйнае вiдэа на беларускай мове, выкарыстоўваючы спэцыяльныя выразы, і атрымаць каштоўныя ўзнагароды.
Як зазначаюць арганізатары, праект «Крок наперад» створаны для таго, каб кожны атрымаў магчымасьць зрабіць уласны ўнёсак у разьвіцьцё нашай мовы. Каб усе мы ўсьвядомілі і зразумелі, што беларуская мова — велічная, багатая і прыгожая, каб адчулі смак роднай мовы.
Пазнаёміцца з умовамі ўдзелу ў конкурсе можна на сайце праекту
У гэтыя выходныя ў Гомелі БРСМ правёў фінал конкурсу графіці, які быў прысьвечаны будучаму чэмпіянату сьвету па хакеі.
Выніковыя працы ўдзельнікаў конкурсу са зьедлівым подпісам «Стыльна, Модна, Безвыходна!» апублікаваў вядомы беларускі стрыт-арт праект «SIGNAL», удзельнікі якога ўпрыгожылі сёлета сваімі працамі фасады некалькіх жылых дамоў у Магілёве і Гомелі.
Дзіма Башмак (аўтар фота)
Сайт Generation.by падрыхтаваў вялікі матэрыял пад загалоўкам «Дваццаць шэсьць». Алесь Герасіменка прысьвяціў яго сваёй сяброўцы, падарожніцы і таленавітай журналістцы Кацярыне Бязмацерных, якая 29 верасьня разам з мужам Аляксеем Ілюшыным загінула ў Пакістане.
Алесь Герасіменка піша: «Мяне заўжды зьдзіўляла здольнасьць да глыбокай рэтраспэктыўнай рэфлексіі, якую мела журналістка і пісьменьніца Каця Бязмацерных. Гэтыя ўнутраныя пошукі станавіліся крыніцай для творчага росту, ад невялічкіх артыкулаў для падлеткавых выданьняў кшталту „Бярозкі“ і „Пераходнага ўзросту“ да апавяданьняў, што публікаваліся ў вялікіх „Маладосьці“ і „Дзеяслове“. Гэта гісторыя пра яе, а таксама пра тых людзей, што былі вакол Каці ў ейнай творчасьці.
А яшчэ гэта гісторыя пра чалавека, які ўмеў зьдзяйсьняць свае самыя галоўныя мары».
Таксама ў матэрыяле сабраныя спасылкі на Каціны тэксты для розных беларускіх часопісаў, газэт і сайтаў. Два зь іх дагэтуль не публікаваліся.
Матывацыйны «Крок наперад» да мовы
Каб апынуцца ў абдымках прыгажунь, трэба размаўляць па-беларуску. З такім мэсыджам у рэклямным відэароліку сёньня стартаваў першы беларускамоўны онлайн-конкурс відэаролікаў «Крок наперад». Кожны ахвотны можа ўзяць удзел у конкурсе — зьняць цікавае матывацыйнае вiдэа на беларускай мове, выкарыстоўваючы спэцыяльныя выразы, і атрымаць каштоўныя ўзнагароды.
Як зазначаюць арганізатары, праект «Крок наперад» створаны для таго, каб кожны атрымаў магчымасьць зрабіць уласны ўнёсак у разьвіцьцё нашай мовы. Каб усе мы ўсьвядомілі і зразумелі, што беларуская мова — велічная, багатая і прыгожая, каб адчулі смак роднай мовы.
Пазнаёміцца з умовамі ўдзелу ў конкурсе можна на сайце праекту
Хакейны БРСМ
У гэтыя выходныя ў Гомелі БРСМ правёў фінал конкурсу графіці, які быў прысьвечаны будучаму чэмпіянату сьвету па хакеі.
Выніковыя працы ўдзельнікаў конкурсу са зьедлівым подпісам «Стыльна, Модна, Безвыходна!» апублікаваў вядомы беларускі стрыт-арт праект «SIGNAL», удзельнікі якога ўпрыгожылі сёлета сваімі працамі фасады некалькіх жылых дамоў у Магілёве і Гомелі.
Дзіма Башмак (аўтар фота)
Цяпер табе заўсёды 26
Сайт Generation.by падрыхтаваў вялікі матэрыял пад загалоўкам «Дваццаць шэсьць». Алесь Герасіменка прысьвяціў яго сваёй сяброўцы, падарожніцы і таленавітай журналістцы Кацярыне Бязмацерных, якая 29 верасьня разам з мужам Аляксеем Ілюшыным загінула ў Пакістане.
Алесь Герасіменка піша: «Мяне заўжды зьдзіўляла здольнасьць да глыбокай рэтраспэктыўнай рэфлексіі, якую мела журналістка і пісьменьніца Каця Бязмацерных. Гэтыя ўнутраныя пошукі станавіліся крыніцай для творчага росту, ад невялічкіх артыкулаў для падлеткавых выданьняў кшталту „Бярозкі“ і „Пераходнага ўзросту“ да апавяданьняў, што публікаваліся ў вялікіх „Маладосьці“ і „Дзеяслове“. Гэта гісторыя пра яе, а таксама пра тых людзей, што былі вакол Каці ў ейнай творчасьці.
А яшчэ гэта гісторыя пра чалавека, які ўмеў зьдзяйсьняць свае самыя галоўныя мары».
Таксама ў матэрыяле сабраныя спасылкі на Каціны тэксты для розных беларускіх часопісаў, газэт і сайтаў. Два зь іх дагэтуль не публікаваліся.
