«Суд прайшоў літаральна за 5 хвілінаў. Сьведкамі былі двое супрацоўнікаў міліцыі. Яны сказалі, што Дашкевіч сядаў на зямлю і адмаўляўся прайсьці ў машыну. Дашкевіч у сваю чаргу сказаў, што прэтэнзіяў ня мае. Ён заклікаў іх сыходзіць з працы, бо яны займаюцца злачыннай дзейнасьцю», — паведаміў Радыё Свабода Барыс Гарэцкі.
«Сьведкі блыталіся ў паказаньнях. Адзін міліцыянт казаў, што Дашкевіч сядзеў на зямлі, другі — што не сядзеў, — дадае жонка Зьмітра Наста Дашкевіч (Палажанка).
«Гэта не нармальна, што ў нашай краіне садзяць толькі за тое, што чалавек зьбіраў подпісы. Зьмітра захацелі ізаляваць напярэдадні 7 лістапада», — кажа Наста.
Дашкевіча затрымалі ў падземным пераходзе на вуліцы Леніна, калі ён зьбіраў подпісы.
3 лістапада, падчас акцыі «Дзяды», «Малады фронт» распачаў збор подпісаў у Савет міністраў і Менгарвыканкам з патрабаваньнем дэкамунізацыі беларускага грамадзтва.
Дэкамунізацыю Беларусі прапануецца пачаць, вярнуўшы цяперашняй вуліцы Леніна ў Менску яе гістарычную назву — вуліца Францішканская.
«Сьведкі блыталіся ў паказаньнях. Адзін міліцыянт казаў, што Дашкевіч сядзеў на зямлі, другі — што не сядзеў, — дадае жонка Зьмітра Наста Дашкевіч (Палажанка).
«Гэта не нармальна, што ў нашай краіне садзяць толькі за тое, што чалавек зьбіраў подпісы. Зьмітра захацелі ізаляваць напярэдадні 7 лістапада», — кажа Наста.
Дашкевіча затрымалі ў падземным пераходзе на вуліцы Леніна, калі ён зьбіраў подпісы.
3 лістапада, падчас акцыі «Дзяды», «Малады фронт» распачаў збор подпісаў у Савет міністраў і Менгарвыканкам з патрабаваньнем дэкамунізацыі беларускага грамадзтва.
Дэкамунізацыю Беларусі прапануецца пачаць, вярнуўшы цяперашняй вуліцы Леніна ў Менску яе гістарычную назву — вуліца Францішканская.
