Сьвятлана Алексіевіч камэнтуе рашэньне Нобелеўскага камітэту.
Сьвятлана Алексіевіч: «Гэта справядлівае рашэньне. Гэта сумленная гульня і сумленны выбар. Тут няма нічога крыўднага. Я на жаль, не чытала гэтую канадзкую пісьменьніцу. Але я яе віншую і радая за яе».
Нобэлеўскую прэмію па літаратуры ў гэтым годзе атрымала канадзкая пісьменьніца Эліс Манро.
Эліс Манро нарадзілася ў 1931 годзе ў горадзе Вінг, штат Антарыё, у сям'і фэрмэраў. Яна пачала пісаць у падлеткавым узросьце і апублікавала сваё першае апавяданьне ў 1950 годзе падчас вучобы ва ўнівэрсытэце. Першы зборнік апавяданьняў Эліс Манро пабачыў сьвет у 1968 годзе, здабываючы высокую ацэнку літаратурнай крытыкі. Агулам яна выдала 14 зборнікаў апавяданьняў. Яе апошні зборнік, «Dear Life», быў апублікаваны летась.
