Мікалай Статкевіч атрымаў вымову ад адміністрацыі магілёўскай турмы. Фармальна за тое, што нібыта ўдзень ляжаў «ўпоперак ложка». Між тым у апошнім лісьце Мікалая Статкевіча, які ўвечары 15 жніўня атрымала ягоная жонка Марына Адамовіч, згадваецца пра ціск з боку адміністрацыі. Марына Адамовіч распавяла:
«У панядзелак, 5 жніўня, яму вынесьлі чарговае спагнаньне. На гэты раз абмежаваліся вымовай. За тое, што ён нібыта ляжаў на ложку ў дзённы час. Ён напісаў у лісьце, што ўжо апратэставаў гэтую вымову. І дадаў, што калі яму абвяшчалі пра вымову, то запыталіся, ці прызнае ён сябе вінаватым у арганізацыі масавых беспарадкаў 19 сьнежня 2010 году. На што Мікола сказаў, што ганарыцца гэтым днём і людзьмі, якія былі побач зь ім, і свайго стаўленьня да гэтага ніколі ня зьменіць. І сказаў, што калі атрымалі загад, то могуць зьмясьціць яго і ў карцэр. Але турэмшчыкі абмежаваліся вымовай».
Паводле ранейшых зьвестак, Мікалаю Статкевічу, пасьля таго, як яго звадзілі да турэмных лекараў, у камэры стала блага, ён упаў на падлогу. Турэмшчыкі не прыходзілі на дапамогу вязьню ня менш як 20 хвілін, хоць сукамэрнік Статкевіча грукаў у дзьверы і прасіў дапамогі. Траціў Мікалай Статкевіч прытомнасьць ці зь ім здарылася нешта іншае, Марына Адамовіч, паводле яе словаў, ня ведае. Пры гэтым яна адзначае, што напярэдадні да Мікалая Статкевіча ў камэру прыходзіў адзін з кіраўнікоў турмы і распытваў пра здароўе. Статкевіч ні на што ня скардзіўся, але яго ўсё роўна адвялі ў турэмны мэдпункт. Празь нейкі час пасьля вяртаньня ў камэру ўсё і здарылася, адзначае Марына Адамовіч.
Былы кандыдат на прэзыдэнта Мікалай Статкевіч асуджаны на 6 гадоў зьняволеньня нібыта за арганізацыю беспарадкаў 19 сьнежня 2010 году. Пакараньне адбывае ў Магілёўскай «крытай» турме. Толькі два тыдні таму зь Мікалая Статкевіча ў турме зьнялі статус «злоснага парушальніка рэжыму», які ў яго быў больш за год.
«У панядзелак, 5 жніўня, яму вынесьлі чарговае спагнаньне. На гэты раз абмежаваліся вымовай. За тое, што ён нібыта ляжаў на ложку ў дзённы час. Ён напісаў у лісьце, што ўжо апратэставаў гэтую вымову. І дадаў, што калі яму абвяшчалі пра вымову, то запыталіся, ці прызнае ён сябе вінаватым у арганізацыі масавых беспарадкаў 19 сьнежня 2010 году. На што Мікола сказаў, што ганарыцца гэтым днём і людзьмі, якія былі побач зь ім, і свайго стаўленьня да гэтага ніколі ня зьменіць. І сказаў, што калі атрымалі загад, то могуць зьмясьціць яго і ў карцэр. Але турэмшчыкі абмежаваліся вымовай».
Паводле ранейшых зьвестак, Мікалаю Статкевічу, пасьля таго, як яго звадзілі да турэмных лекараў, у камэры стала блага, ён упаў на падлогу. Турэмшчыкі не прыходзілі на дапамогу вязьню ня менш як 20 хвілін, хоць сукамэрнік Статкевіча грукаў у дзьверы і прасіў дапамогі. Траціў Мікалай Статкевіч прытомнасьць ці зь ім здарылася нешта іншае, Марына Адамовіч, паводле яе словаў, ня ведае. Пры гэтым яна адзначае, што напярэдадні да Мікалая Статкевіча ў камэру прыходзіў адзін з кіраўнікоў турмы і распытваў пра здароўе. Статкевіч ні на што ня скардзіўся, але яго ўсё роўна адвялі ў турэмны мэдпункт. Празь нейкі час пасьля вяртаньня ў камэру ўсё і здарылася, адзначае Марына Адамовіч.
Былы кандыдат на прэзыдэнта Мікалай Статкевіч асуджаны на 6 гадоў зьняволеньня нібыта за арганізацыю беспарадкаў 19 сьнежня 2010 году. Пакараньне адбывае ў Магілёўскай «крытай» турме. Толькі два тыдні таму зь Мікалая Статкевіча ў турме зьнялі статус «злоснага парушальніка рэжыму», які ў яго быў больш за год.
