Ураджэнца Эгіпту Марка Басілі Юсэфа, паводле веравызнаньня — хрысьціяніна-копта, называюць адным са стваральнікаў стужкі «Нявіннасьць мусульман», у якім прарок Мухамад выстаўлены ў непрывабным сьвятле. У верасьні летась пасьля зьяўленьня ў інтэрнэце трэйлера гэтага фільму ў шэрагу мусульманскіх краінаў прайшлі масавыя акцыі пратэсту.
Найбольшага напалу пратэсты супраць стужкі летась увосень дасягнулі ў Эгіпце і Емэне, выступленьні былі адзначаны таксама ў Судане, Тунісе, Пакістане, Бангладэш і іншых краінах. У горадзе Бэнгазі на ўсходзе Лібіі радыкальна настроеныя ўдзельнікі пратэстаў штурмавалі консульства ЗША, пры гэтым загінулі чатыры чалавекі, у тым ліку амэрыканскі пасол. Гэты фільм быў прызнаны экстрэмісцкім і забаронены ў шэрагу краінаў.
У лістападзе 2012 года суд у Лос Анджэлесе прысудзіў Юсэфа да года турэмнага зьняволеньня за неаднаразовыя парушэньні правілаў умоўнага пакараньня па справе аб банкаўскім махлярстве. Паводле дадзеных абвінавачаньня, Юсэф парушаў умовы прынамсі восем разоў, у тым ліку хлусіў наглядным органам і насуперак забароне выкарыстаў псэўданімы.
Тэрмін пазбаўленьня волі Юсэфа заканчваецца 26 верасьня.
Найбольшага напалу пратэсты супраць стужкі летась увосень дасягнулі ў Эгіпце і Емэне, выступленьні былі адзначаны таксама ў Судане, Тунісе, Пакістане, Бангладэш і іншых краінах. У горадзе Бэнгазі на ўсходзе Лібіі радыкальна настроеныя ўдзельнікі пратэстаў штурмавалі консульства ЗША, пры гэтым загінулі чатыры чалавекі, у тым ліку амэрыканскі пасол. Гэты фільм быў прызнаны экстрэмісцкім і забаронены ў шэрагу краінаў.
У лістападзе 2012 года суд у Лос Анджэлесе прысудзіў Юсэфа да года турэмнага зьняволеньня за неаднаразовыя парушэньні правілаў умоўнага пакараньня па справе аб банкаўскім махлярстве. Паводле дадзеных абвінавачаньня, Юсэф парушаў умовы прынамсі восем разоў, у тым ліку хлусіў наглядным органам і насуперак забароне выкарыстаў псэўданімы.
Тэрмін пазбаўленьня волі Юсэфа заканчваецца 26 верасьня.
