Абмеркаваньне справаздачы Харасьці

Прадстаўнік Вэнэсуэлы заклікаў «не дэманізаваць беларускую ўладу» і выступіў з крытыкай эканамічных санкцыяў супраць афіцыйнага Менску з боку заходніх дзяржаў.

Чэхія цалкам падтрымлівае высновы, выкладзеныя ў справаздачы Харасьці і заклікае вызваліць беларускіх палітвязьняў, у тым ліку праваабаронца Алеся Бяляцкага, пра гэта заявіла амбасадарка гэтай краіны.

Прадстаўнік Румыніі выказаў шкадаваньне з нагоды адмовай беларускіх уладаў прызнаць мандат спэцдакладчыка і адмовы супрацоўніцтва зь ім.

Кітай падтрымаў пазыцыю Расеі адносна Беларусі і заклікаў Раду па правах чалавека да «аб’ектыўнасьці» ў ацэнцы правоў чалавека ў Беларусі.

Швайцарыя выказала асаблівае шкадаваньне ў сувязі з новымі фактамі выкананьня сьмяротных прысудаў у Беларусі і заклікала беларускія ўлады неадкладна накласьці мараторый на выключную меру пакараньня. Прадстаўнік гэтай краіны таксама заклікаў вызваліць палітвязьняў Бяляцкага, Статкевіча, Дашкевіча і іншых, а таксама заклікаў Менск выконваць рэкамэндацыі Харасьці і даць магчымасьць яму наведаць краіну.

Прадстаўнік Вялікай Брытаніі таксама заклікаў Менск выконваць рэкамэндацыі спадара Харасьці, вызваліць палітвязьняў і ўвесьці мараторый на сьмяротнае пакараньне.

Прадстаўнік Лібану заявіў аб «пазытыўных зьявах» у выкананьні правоў чалавека ў Беларусі і залікаў улады краіны працягваць гэтыя крокі.

Прадстаўніца М’янмы заклікала да дыялёгу Рады па правах чалавека і Беларусі.

Прадстаўніца Чарнагорыі адзначыла пазытыўныя крокі беларускіх уладаў у зьніжэньні сьмяротнасьці немаўлятаў, але заявіла пра існаваньне ў Беларусі палітычна матываваныя арыштаў, абмежаваньні свабоды слова і іншыя парушэньні правоў чалавека.

Прадстаўнік Славакіі заявіў пра ўціск у Беларусі апазыцыі, адвакатаў, журналістаў, заклікаў вызваліць палітвязьняў і выказаў шкадаваньне, што спадару Харасьці не дазволілі прыехаць у краіну.

Прадстаўнік Швэцыі выказаўся за працяг мандату спадара Харасьці.

Віетнам: толькі дыялёг і паразуменьне з двух бакоў можа прывесьці да станоўчага выніку.

Літва шкадуе, што Беларусь адмовілася ад супрацоўніцтва з дакладчыкам, выказала поўную падтрымку заключэньня справаздачы Харасьці, заявіла пра сыстэмнае і сыстэматычнае парушэньне правоў чалавека ў Беларусі.

Нарвэгія назвала справаздачу вельмі карыснай і заклікала Менск выконваць яе рэкамэндацыі, у тым ліку — тэрмінова скасаваць сьмяротнае пакараньне, вызваліць палітвязьняў. Нарвэгія выказалася таксама за працяг мандату Харасьці.

Прадстаўнік Узбэкістану назваў справаздачу неаб’ектыўнай і ацаніў як непрымальны заклік аб вызваленьні палітычных вязьняў, без вывучэньня сутнасьці матэрыялаў іхных крымінальных справаў.

Бэльгія заявіла пра сыстэмны і сыстэматычны характар парушэньня правоў чалавека ў Беларусі і заклікала да безумоўнага вызваленьня ўсіх палітычных вязьняў і іх рэабілітацыі, мараторыю на сьмяротнае пакараньне.

Прадстаўніца Палестыны заявіла пра палітызацыю і падвойныя стандарты у справаздачы Харасьці.

Прадстаўнік Ірану назваў справаздачу Харасьці «палітычна матываванай».

Сірыя назвала справаздачу «незбалянсаванай», абвінаваціла Харасьці, што ён адлюстроўвае толькі меркаваньне заходніх краінаў ды заклікала спыніць цкаваньне ўладаў Беларусі.

Выступаюць прадстаўнікі міжнародных праваабарончых арганізацыяў, якія падтрымліваюць высновы спадара Харасьці і заклікаюць Менск вызваліць палітвязьняў, у тым ліку праваабаронцу Алеся Бяляцкага, увесьці пасаду амбудсмэна, спыніць практыку парушэньне правоў чалавека, скасаваць сьмяротнае пакараньне.