Як паведаміла пракуратура Магілёўскай вобласьці, там вынесены чарговы сьмяротны прысуд.
«Судовай калегіяй па крымінальных справах Магілёўскага абласнога суду асуджаныя двое грамадзян за ўчыненьне забойства групай асобаў. Адзін зь фігурантаў справы — мужчына 1969 году нараджэньня, ураджэнец Жытомірскай вобласьці, бяз пэўнага месца жыхарства, другі — мужчына 1990 года нараджэньня. Абодва раней неаднаразова судзімыя, у тым ліку адзін зь іх — і за забойства, — гаворыцца ў паведамленьні Магілёўскай пракуратуры. — Мужчыны былі асуджаныя за забойства сукамэрніка — абодва яны адбывалі турэмныя тэрміны за ранейшыя злачынствы. У якасьці меры пакараньня аднаму зь іх суд прызначыў па сукупнасьці прысудаў за раней зробленыя злачынствы выключную меру пакараньня — сьмяротнае пакараньне, другому — 16 гадоў пазбаўленьня волі».
У пракуратуры адзначылі, што асуджаны на сьмяротнае пакараньне — «вельмі адмоўная асоба, якая ўяўляе вялікую грамадзкую небясьпеку». Забіты сукамэрнік — чацьвёртая яго ахвяра. Астатнія злачынствы, якія ён зрабіў раней, таксама належаць да катэгорыі цяжкіх і асабліва цяжкіх. «Асуджаны ўяўляе небясьпеку для грамадзтва нават ва ўмовах строгай ізаляцыі. Выпраўленьне яго з дапамогай прызначэньня пазбаўленьня волі на доўгі тэрмін або пажыцьцёвага зьняволеньня немагчымае. Прызначэньне такога пакараньня, як сьмяротнае пакараньне, у дадзеным выпадку цалкам апраўданае», — адзначаецца ў паведамленьні Магілёўскай абласной пракуратуры.
Беларусь застаецца адзінай краінай у Эўропе, дзе да гэтага часу выносяцца і выконваюцца сьмяротныя прысуды. За гэта краіну ўвесь час крытыкуюць міжнародныя арганізацыі, якія змагаюцца за скасаваньне сьмяротнага пакараньня. У 2012 годзе ў Беларусі былі пакараныя сьмерцю Дзьмітры Канавалаў і Уладзіслаў Кавалёў, асуджаныя за ўчыненьне тэракту ў менскім мэтро 11 красавіка 2011 году. Паводле зьвестак арганізацыі Amnesty International, у Беларусі летась акрамя гэтых двух быў выкананы яшчэ адзін сьмяротны прысуд.
«Судовай калегіяй па крымінальных справах Магілёўскага абласнога суду асуджаныя двое грамадзян за ўчыненьне забойства групай асобаў. Адзін зь фігурантаў справы — мужчына 1969 году нараджэньня, ураджэнец Жытомірскай вобласьці, бяз пэўнага месца жыхарства, другі — мужчына 1990 года нараджэньня. Абодва раней неаднаразова судзімыя, у тым ліку адзін зь іх — і за забойства, — гаворыцца ў паведамленьні Магілёўскай пракуратуры. — Мужчыны былі асуджаныя за забойства сукамэрніка — абодва яны адбывалі турэмныя тэрміны за ранейшыя злачынствы. У якасьці меры пакараньня аднаму зь іх суд прызначыў па сукупнасьці прысудаў за раней зробленыя злачынствы выключную меру пакараньня — сьмяротнае пакараньне, другому — 16 гадоў пазбаўленьня волі».
У пракуратуры адзначылі, што асуджаны на сьмяротнае пакараньне — «вельмі адмоўная асоба, якая ўяўляе вялікую грамадзкую небясьпеку». Забіты сукамэрнік — чацьвёртая яго ахвяра. Астатнія злачынствы, якія ён зрабіў раней, таксама належаць да катэгорыі цяжкіх і асабліва цяжкіх. «Асуджаны ўяўляе небясьпеку для грамадзтва нават ва ўмовах строгай ізаляцыі. Выпраўленьне яго з дапамогай прызначэньня пазбаўленьня волі на доўгі тэрмін або пажыцьцёвага зьняволеньня немагчымае. Прызначэньне такога пакараньня, як сьмяротнае пакараньне, у дадзеным выпадку цалкам апраўданае», — адзначаецца ў паведамленьні Магілёўскай абласной пракуратуры.
Беларусь застаецца адзінай краінай у Эўропе, дзе да гэтага часу выносяцца і выконваюцца сьмяротныя прысуды. За гэта краіну ўвесь час крытыкуюць міжнародныя арганізацыі, якія змагаюцца за скасаваньне сьмяротнага пакараньня. У 2012 годзе ў Беларусі былі пакараныя сьмерцю Дзьмітры Канавалаў і Уладзіслаў Кавалёў, асуджаныя за ўчыненьне тэракту ў менскім мэтро 11 красавіка 2011 году. Паводле зьвестак арганізацыі Amnesty International, у Беларусі летась акрамя гэтых двух быў выкананы яшчэ адзін сьмяротны прысуд.
