Як паведамляе CNN, ён заявіў, што ягоны брат Тамэрлан, забіты пры спробе затрыманьня быў рухавіком атакі і што пры гэтым за іх нападам не стаялі ніякія міжнародныя тэрарыстычныя групоўкі. Пра гэта тэлеканалу паведаміла ананімная крыніца з ураду ЗША. Джахар Царнаеў сказаў, што сваім учынкам ягоны брат «хацеў абараніць іслам ад нападу».
Праваахоўныя органы не скідаюць з рахункаў вэрсію пра тое, што ў Царнаевых маглі быць саўдзельнікі.
Суразмоўца тэлеканалу падкрэсьліў, што заявы абвінавачаны зрабіў на папярэднім допыце і што яго словы потым будуць правярацца сьледчымі.
З праваахоўнымі органамі Джахар Царнаеў мае зносіны ў бостанскім шпіталі, куды ён трапіў адразу пасьля затрыманьня. У яго кулявыя раненьні галавы, шыі, нагі і рукі. Прычым, з-за прастрэленай шыі абвінавачаны страціў голас, таму паказаньні ён дае ў пісьмовай форме.
Напярэдадні судзьдзя, які прыбыў у шпіталь, прад'явіў Царнаеву афіцыйныя абвінавачаньні. Яму інкрымінуюць ужываньне зброі масавага зьнішчэньня і наўмыснае зьнішчэньне маёмасьці, якое прывяло да гібелі людзей. Паводле інфармацыі CNN, падчас гэтай працэдуры судзьдзя спытаў у Царнаева, ці хоча ён наняць адваката. Абвінавачаны адмовіўся, і яму прызначылі дзяржаўны абаронца.
Паводле вэрсіі паліцыі, браты Царнаевы арганізавалі два выбухі падчас маратону ў Бостане 15 красавіка. Тады загінула тры чалавекі, каля 180 атрымалі раненьні. Празь некалькі дзён, у ноч на 19 красавіка, Царнаевы зладзілі перастрэлку з паліцэйскімі, падчас якой загінуў адзін супрацоўнік праваахоўных органаў, а таксама старэйшы з братоў. Пасьля перастрэлкі паліцыя пачала перасьледаваць малодшага Царнаева, здолеўшы затрымаць яго толькі ўвечары.
Праваахоўныя органы не скідаюць з рахункаў вэрсію пра тое, што ў Царнаевых маглі быць саўдзельнікі.
Суразмоўца тэлеканалу падкрэсьліў, што заявы абвінавачаны зрабіў на папярэднім допыце і што яго словы потым будуць правярацца сьледчымі.
З праваахоўнымі органамі Джахар Царнаеў мае зносіны ў бостанскім шпіталі, куды ён трапіў адразу пасьля затрыманьня. У яго кулявыя раненьні галавы, шыі, нагі і рукі. Прычым, з-за прастрэленай шыі абвінавачаны страціў голас, таму паказаньні ён дае ў пісьмовай форме.
Напярэдадні судзьдзя, які прыбыў у шпіталь, прад'явіў Царнаеву афіцыйныя абвінавачаньні. Яму інкрымінуюць ужываньне зброі масавага зьнішчэньня і наўмыснае зьнішчэньне маёмасьці, якое прывяло да гібелі людзей. Паводле інфармацыі CNN, падчас гэтай працэдуры судзьдзя спытаў у Царнаева, ці хоча ён наняць адваката. Абвінавачаны адмовіўся, і яму прызначылі дзяржаўны абаронца.
Паводле вэрсіі паліцыі, браты Царнаевы арганізавалі два выбухі падчас маратону ў Бостане 15 красавіка. Тады загінула тры чалавекі, каля 180 атрымалі раненьні. Празь некалькі дзён, у ноч на 19 красавіка, Царнаевы зладзілі перастрэлку з паліцэйскімі, падчас якой загінуў адзін супрацоўнік праваахоўных органаў, а таксама старэйшы з братоў. Пасьля перастрэлкі паліцыя пачала перасьледаваць малодшага Царнаева, здолеўшы затрымаць яго толькі ўвечары.
