Творчы шлях Дануты Бічэль пачаўся зборнікам паэзіі «Дзявочае сэрца», які быў прыхільна ўспрыняты крытыкай і чытачамі. Пасьля кніг «Нёман ідзе», «Запалянкі», «Ты — гэта ты» імя гарадзенскай паэткі стала вядомым усім аматарам прыгожага пісьменства. А за кнігу «Дзе ходзяць басанож» яна атрымала Дзяржаўную прэмію БССР імя Янкі Купалы.
Творы апошніх двух дзесяцігодзьдзяў выяўляюць усё большую адданасьць паэткі тэмам высокага духу і шляху чалавека да нябесных ніваў. «А на Палесьсі», «Ты не самотны...», «Снапок» , «На белых аблоках сноў», «У Будслаўскай сьвятыні ты ранішняй зоркай...», «Ойча наш...» — кнігі, якія выявілі новыя грані таленту Дануты Бічэль. Ён яскрава зазьзяў і ў яе перакладах на беларускую мову рэлігійнай паэзіі польскіх аўтараў.
Вершы Дануты Бічэль прагучаць на вечарыне ў выкананьні самой аўтаркі і мастацкай кіраўніцы тэатру «Зьніч» Галіны Дзягілевай. Песьні на словы паэткі выканае Тацьцяна Беланогая.
Пачатак вечарыны ў Музэі гісторыі беларускай літаратуры (вул. Багдановіча, 13) а 17-й.
Творы апошніх двух дзесяцігодзьдзяў выяўляюць усё большую адданасьць паэткі тэмам высокага духу і шляху чалавека да нябесных ніваў. «А на Палесьсі», «Ты не самотны...», «Снапок» , «На белых аблоках сноў», «У Будслаўскай сьвятыні ты ранішняй зоркай...», «Ойча наш...» — кнігі, якія выявілі новыя грані таленту Дануты Бічэль. Ён яскрава зазьзяў і ў яе перакладах на беларускую мову рэлігійнай паэзіі польскіх аўтараў.
Вершы Дануты Бічэль прагучаць на вечарыне ў выкананьні самой аўтаркі і мастацкай кіраўніцы тэатру «Зьніч» Галіны Дзягілевай. Песьні на словы паэткі выканае Тацьцяна Беланогая.
Пачатак вечарыны ў Музэі гісторыі беларускай літаратуры (вул. Багдановіча, 13) а 17-й.
