21 верасьня каля 10 асуджаных да абмежаваньня свабоды з камэндатуры Куплін Пружанскага раёну, дзе адбывае пакараньне Павал Севярынец, пад наглядам аховы езьдзілі на выбарчы ўчастак, каб прагаласаваць датэрмінова. Пра гэта паведаміў Павал Севярынец, які працуе з гэтымі «хімікамі» ў адной гаспадарцы. Паводле Паўла Севярынца, «хімікаў» фактычна прымусілі галасаваць датэрмінова.
«Я задаваў пытаньне, мне сказалі, што ніхто нікога прымушаць галасаваць датэрмінова ня будзе. Гэта ў нашай камэндатуры. Але сёньня ў нас на працы „хімікаў“ проста пагрузілі і завезьлі на галасаваньне. Але некаторыя адмовіліся. На гэты час стала праца. Звычайна ў нас грукоча тэхніка, а тут — цішыня. Я гэтак разумею, што замова была менавіта на „хімікаў“. А тыя, хто прагаласаваў, казалі, прыехаўшы, што марна патрацілі грошы. Калі абіраюць аднаго з аднаго, то якія гэта выбары? Большасьць разумее, што гэта махлярства».
Павал Севярынец адбывае 3 гады «хіміі» за ўдзел ў пасьлявыбарчым пратэсьце 19 сьнежня 2010 году.
«Па тэлефоне яны інфармацыі не даюць. У мяне ёсьць толькі дакумэнт, што ён там павінен быць. Але калі, невядома, бо невядома, калі яго туды павезьлі. Дасьведчаныя людзі кажуць, што этап з Віцебску да Мазыра ідзе адзін дзень. Таму ён з большага мусіць быць там, але ніякіх доказаў гэтаму ў мяне няма».
Паводле Насты Палажанкі на наступным тыдні ў Мазырскую калёнію на сустрэчу з Дашкевічам плянуе паехаць адвакат.
Лідэр «Маладога фронту» Зьміцер Дашкевіч атрымаў яшчэ год калёніі нібыта за непадпарадкаваньне адміністрацыі Глыбоцкай калёніі. На волю актывіст мае выйсьці толькі ў кастрычніку будучага году.
Вязень магілёўскай калёніі Сяргей Каваленка змог патэлефанаваць дамоў. Жонка Каваленкі Алена распавяла, што ёй стала вядома пра справы мужа ў калёніі.
«Увага да яго звышпільная. Вось мне стала вядома, колькі за ім лічыцца парушэньняў. Аказваецца, ўсяго за 4 месяцы зафіксавана ў яго 11 парушэньняў, за гэта на яго наклалі 4 спагнаньні. У тым ліку яго каралі карцэрам. Але зараз, дзякуй Богу, знаходзіцца не ў карцэры».
Паводле Алены Каваленкі, на здароўе яе муж не скардзіўся.
Актывіст КХП БНФ Сяргей Каваленка адбывае год і месяц калёніі за парушэньне адбыцьця хатняй «хіміі», якую ён атрымаў за вывешваньне бел-чырвона-белага сьцяга на навагодняй ёлцы ў Віцебску.
Былога кандыдата на прэзыдэнта Мікалая Статкевіча ў Магілўскай турме наведаў адвакат. Жонка палітыка Марына Адамовіч распавяла.
«Адсутнасьць пераменаў у нашым выпадку — лепшая навіна. Ён нармальна выглядае, пачуваецца, як звычайна. Паведаміў, што ягоная перапіска з жонкамі палітвязьняў фактычна забароненая. Яны яго віншуюць, ён ім адказвае, але аказваецца, што ягоныя лісты да іх не даходзяць. Яшчэ выказаў сваю пазыцыю па выбарах, але я яе агучу крыху пазьней».
Галасаваць на выбарах, як асуджаны да зьняволеньня, Мікалай Статкевіч ня мае права. За Плошчу палітык быў пакараны на 6 гадоў калёніі, але ў пачатку году палітвязень быў пераведзены ў крытую турму як злосны парушальнік рэжыму.
«Я задаваў пытаньне, мне сказалі, што ніхто нікога прымушаць галасаваць датэрмінова ня будзе. Гэта ў нашай камэндатуры. Але сёньня ў нас на працы „хімікаў“ проста пагрузілі і завезьлі на галасаваньне. Але некаторыя адмовіліся. На гэты час стала праца. Звычайна ў нас грукоча тэхніка, а тут — цішыня. Я гэтак разумею, што замова была менавіта на „хімікаў“. А тыя, хто прагаласаваў, казалі, прыехаўшы, што марна патрацілі грошы. Калі абіраюць аднаго з аднаго, то якія гэта выбары? Большасьць разумее, што гэта махлярства».
Павал Севярынец адбывае 3 гады «хіміі» за ўдзел ў пасьлявыбарчым пратэсьце 19 сьнежня 2010 году.
Знаходжаньне Зьмітра Дашкевіча ў Мазырскай калёніі ахоўнікі не пацьвярджаюць
Павал Севярынец паведаміў таксама, што мазырская суполка актывістаў БХД ужо абмеркавала, як будуць апекавацца Зьмітром Дашкевічам, якога накіравалі для адбыцьця пакараньня ў Мазырскую калёнію. Аднак дакладнага пацьверджаньня, што Зьміцер ужо патрапіў у гэту калёнію, пакуль няма. Пра гэта кажа нявеста палітвязьня Наста Палажанка.
«Па тэлефоне яны інфармацыі не даюць. У мяне ёсьць толькі дакумэнт, што ён там павінен быць. Але калі, невядома, бо невядома, калі яго туды павезьлі. Дасьведчаныя людзі кажуць, што этап з Віцебску да Мазыра ідзе адзін дзень. Таму ён з большага мусіць быць там, але ніякіх доказаў гэтаму ў мяне няма».
Паводле Насты Палажанкі на наступным тыдні ў Мазырскую калёнію на сустрэчу з Дашкевічам плянуе паехаць адвакат.
Лідэр «Маладога фронту» Зьміцер Дашкевіч атрымаў яшчэ год калёніі нібыта за непадпарадкаваньне адміністрацыі Глыбоцкай калёніі. На волю актывіст мае выйсьці толькі ў кастрычніку будучага году.
У Сяргея Каваленкі — 11 парушэньняў
Вязень магілёўскай калёніі Сяргей Каваленка змог патэлефанаваць дамоў. Жонка Каваленкі Алена распавяла, што ёй стала вядома пра справы мужа ў калёніі.
«Увага да яго звышпільная. Вось мне стала вядома, колькі за ім лічыцца парушэньняў. Аказваецца, ўсяго за 4 месяцы зафіксавана ў яго 11 парушэньняў, за гэта на яго наклалі 4 спагнаньні. У тым ліку яго каралі карцэрам. Але зараз, дзякуй Богу, знаходзіцца не ў карцэры».
Паводле Алены Каваленкі, на здароўе яе муж не скардзіўся.
Актывіст КХП БНФ Сяргей Каваленка адбывае год і месяц калёніі за парушэньне адбыцьця хатняй «хіміі», якую ён атрымаў за вывешваньне бел-чырвона-белага сьцяга на навагодняй ёлцы ў Віцебску.
Ліставаньне Мікалая Статкевіча з жонкамі палітвязьняў забароненае
Былога кандыдата на прэзыдэнта Мікалая Статкевіча ў Магілўскай турме наведаў адвакат. Жонка палітыка Марына Адамовіч распавяла.
«Адсутнасьць пераменаў у нашым выпадку — лепшая навіна. Ён нармальна выглядае, пачуваецца, як звычайна. Паведаміў, што ягоная перапіска з жонкамі палітвязьняў фактычна забароненая. Яны яго віншуюць, ён ім адказвае, але аказваецца, што ягоныя лісты да іх не даходзяць. Яшчэ выказаў сваю пазыцыю па выбарах, але я яе агучу крыху пазьней».
Галасаваць на выбарах, як асуджаны да зьняволеньня, Мікалай Статкевіч ня мае права. За Плошчу палітык быў пакараны на 6 гадоў калёніі, але ў пачатку году палітвязень быў пераведзены ў крытую турму як злосны парушальнік рэжыму.
