Сёньня слухач «Свабоды» Віктар Дашкевіч паведаміў, як на Капыльшчыне зараз праводзяць агітацыю за кандыдата ў дэпутаты, старшыню суседняга Клецкага райвыканкаму Анатоля Бойку. Яму 58 гадоў, неўзабаве пэнсія...
Віктар Дашкевіч: «Я ўчора еду на ровары і на дарозе пад горку сьпешыўся. Раптам поруч спыняецца аўтамабіль „хуткай дапамогі“, вадзіцель адчыняе фортку й перадае мне паперкі:
„Трымай! Гэта каб ведаў, за каго галасаваць!“
Я гляджу — з Клецку, Бойка! Улётка — чорна-белая, невялікага памеру. Наклад — 12 000 паасобнікаў. Вось гэта агітацыя! Я нават патэлефанаваў у акруговую выбарчую камісію і кажу „Агітацыя ідзе поўным ходам“. Мне ў адказ: „То ўжо ж пара!“
Я ўдакладняю пытаньне: „А як вы глядзіце на тое, што менавіта „хуткая дапамога“ развозіць гэтыя паперкі? Бо раней быццам бы такое немагчыма было“.
Дзяжурная ў камісіі пагаджаецца: „Ага, цікава...“
Высьветлілася таксама, што кіраўнікоў усіх капыльскіх установаў, прадпрыемстваў і арганізацыяў выклікалі ў райвыканкам і „ўсучылі“ 12 тысяч гэтых улётак...»
Віктар Дашкевіч: «Я ўчора еду на ровары і на дарозе пад горку сьпешыўся. Раптам поруч спыняецца аўтамабіль „хуткай дапамогі“, вадзіцель адчыняе фортку й перадае мне паперкі:
„Трымай! Гэта каб ведаў, за каго галасаваць!“
Я гляджу — з Клецку, Бойка! Улётка — чорна-белая, невялікага памеру. Наклад — 12 000 паасобнікаў. Вось гэта агітацыя! Я нават патэлефанаваў у акруговую выбарчую камісію і кажу „Агітацыя ідзе поўным ходам“. Мне ў адказ: „То ўжо ж пара!“
Я ўдакладняю пытаньне: „А як вы глядзіце на тое, што менавіта „хуткая дапамога“ развозіць гэтыя паперкі? Бо раней быццам бы такое немагчыма было“.
Дзяжурная ў камісіі пагаджаецца: „Ага, цікава...“
Высьветлілася таксама, што кіраўнікоў усіх капыльскіх установаў, прадпрыемстваў і арганізацыяў выклікалі ў райвыканкам і „ўсучылі“ 12 тысяч гэтых улётак...»
