«Я не пацьвердзіў карэспандэнту, які мне званіў, што такое паседжаньне адбылося. І адносна Саньнікава, Бандарэнкі і Кавалёва ад камэнтару адмовіўся», — паведаміў Мікалай Самасейка для Радыё Свабода.
У склад камісіі па памілаваньні пры Аляксандру Лукашэнку ўваходзяць таксама шэраг міністраў, генпракурор, старшыня Вярхоўнага суду ды іншыя службовыя асобы.
Пакуль няма пацьверджаньня зьвестак пра паседжаньне гэтай камісіі, якое нібыта днямі адбылося. Калі прашэньні Андрэя Саньнікава, Зьмітра Бандарэнкі і Ўладзіслава Кавалёва сапраўды разгледжаныя, канчатковае рашэньне пра іхні лёс засталося прыняць Аляксандру Лукашэнку.
