4 ліпеня ў менскіх судах пачаліся працэсы над затрыманымі падчас акцыі маўклівага пратэсту на Прывакзальнай плошчы ўвечары 3 ліпеня. Усяго, паводле праваабаронцаў, учора ў Менску было затрымана больш за 200 чалавек.
Алену Дробаву судзіў судзьдзя Маскоўскага раённага суду Юры Сезін. Да гэтага ён асудзіў на 5 сутак затрыманага на Прывакзальнай плошчы Андрэя Галоўкіна. Галоўкін прызнаў перад судзьдзём сваю віну — што размахваў рукамі і брыдкасловіў, хоць у перапынку сказаў журналісту, што нічога гэтага не рабіў, але яму паабяцалі, што тады пакараньне будзе ня 10 сутак, а ўдвая меншае.
Алена Дробава віны не прызнала. Дзяўчына да апошняга казала, што толькі стаяла непадалёк ад крамы «Аксіс» на плошчы і што гэтаму ёсьць сьведкі — яе сяброўкі. Пра свой першы дзень на Акрэсьціна Алена пасьпела распавесьці:
«Нас затрымалі і абвінавачваюць паводле артыкула 17.1 аб нецэнзурнай лаянцы ў грамадзкім месцы. Дык вось увесь час нашага знаходжаньня ў міліцыі і на Акрэсьціна мы чуем гэта ад міліцыянтаў».
Алене Дробавай прыйдзецца прабыць на Акрэсьціна пад арыштам яшчэ 9 сутак.
За некалькі хвілін да абеду ў Маскоўскі суд прывезьлі 15 затрыманых. Суды пачаліся адразу пасьля абеду, калі сьпісы яшчэ не былі вывешаныя і сваякі ня ведалі, дзе і які судзьдзя будзе судзіць іх родных. Але нават калі ўжо стала вядома, які судзьдзя і каго будзе судзіць, трапіць на працэсы ўдавалася ня ўсім. Ганну Бязрукаву судзіла судзьдзя Алена Шылько. Сваякам і журналістам судзьдзя сказала пачакаць, а сама пайшла праводзіць працэс. Праваабаронцы лічаць, што гэта быў працэс фактычна за зачыненымі дзьвярыма. Прысуд Ганьне Бязрукавай невядомы.
Затрымалі яе, дарэчы, на прыпынку гарадзкога транспарту на вуліцы Кірава. Ганна Бязрукава заступілася за Мікіту Мазурэнку, якога міліцыянты ў цывільным зьбівалі і цягнулі ў аўтазак. «Яна ехала дамоў, ня мела ніякага дачыненьня да акцыі», — кажа Ганьнін муж Юры.
«Забралі, як кажуць, да кучы. Едзе, як звычайна, з працы праз вакзал. А тут якраз хапун пачаўся. Забралі. Сама потым пазваніла. А больш нічога ня ведалі».
Шмат хто з тых, хто з раніцы чакаў каля Маскоўскага суду, ня ўбачыў прозьвішчаў сваіх сваякоў і знаёмых у сьпісе. Не знайшлося ў сьпісе Паўла Шараміцкага, Кацярыны Мікіценкі, Жымойдзіка ды іншых. На Акрэсьціна, дзе трымалі гэтых людзей, сваякам адказвалі, што іх вывезьлі, але ў судзе гэтага не пацьвярджалі. Праваабаронцы не выключаюць, што суды над тымі, каго не асудзілі «ў першай хвалі», пройдуць 5 ліпеня ці будуць перанесеныя на невядомы тэрмін, як было 30 чэрвеня.
Праваабаронца зь «Вясны» Валянцін Стэфановіч: «Ужо вядома пра сама меней 14 прысудаў у розных судах, і ўсе — адміністрацыйныя арышты. Гэта сьведчыць пра тое, што ўлады ўсё больш жорстка рэагуюць на акцыі маўклівага пратэсту. Пачыналі проста з затрыманьняў, потым перайшлі да штрафаў. Цяпер караюць арыштам. Прычым на Акрэсьціна „пераначавалі“ ўжо 140 чалавек, і няма падстаў думаць, што іх чакаюць іншыя прысуды. Інакш як такімі жорсткімі пакараньнямі ўлада, відаць, ня можа зьбіць хвалю пратэстаў».
Алену Дробаву судзіў судзьдзя Маскоўскага раённага суду Юры Сезін. Да гэтага ён асудзіў на 5 сутак затрыманага на Прывакзальнай плошчы Андрэя Галоўкіна. Галоўкін прызнаў перад судзьдзём сваю віну — што размахваў рукамі і брыдкасловіў, хоць у перапынку сказаў журналісту, што нічога гэтага не рабіў, але яму паабяцалі, што тады пакараньне будзе ня 10 сутак, а ўдвая меншае.
Алена Дробава віны не прызнала. Дзяўчына да апошняга казала, што толькі стаяла непадалёк ад крамы «Аксіс» на плошчы і што гэтаму ёсьць сьведкі — яе сяброўкі. Пра свой першы дзень на Акрэсьціна Алена пасьпела распавесьці:
«Нас затрымалі і абвінавачваюць паводле артыкула 17.1 аб нецэнзурнай лаянцы ў грамадзкім месцы. Дык вось увесь час нашага знаходжаньня ў міліцыі і на Акрэсьціна мы чуем гэта ад міліцыянтаў».
Алене Дробавай прыйдзецца прабыць на Акрэсьціна пад арыштам яшчэ 9 сутак.
За некалькі хвілін да абеду ў Маскоўскі суд прывезьлі 15 затрыманых. Суды пачаліся адразу пасьля абеду, калі сьпісы яшчэ не былі вывешаныя і сваякі ня ведалі, дзе і які судзьдзя будзе судзіць іх родных. Але нават калі ўжо стала вядома, які судзьдзя і каго будзе судзіць, трапіць на працэсы ўдавалася ня ўсім. Ганну Бязрукаву судзіла судзьдзя Алена Шылько. Сваякам і журналістам судзьдзя сказала пачакаць, а сама пайшла праводзіць працэс. Праваабаронцы лічаць, што гэта быў працэс фактычна за зачыненымі дзьвярыма. Прысуд Ганьне Бязрукавай невядомы.
Валянцін Стэфановіч: Інакш як такімі жорсткімі пакараньнямі ўлада, відаць, ня можа зьбіць хвалю пратэстаў.
Затрымалі яе, дарэчы, на прыпынку гарадзкога транспарту на вуліцы Кірава. Ганна Бязрукава заступілася за Мікіту Мазурэнку, якога міліцыянты ў цывільным зьбівалі і цягнулі ў аўтазак. «Яна ехала дамоў, ня мела ніякага дачыненьня да акцыі», — кажа Ганьнін муж Юры.
«Забралі, як кажуць, да кучы. Едзе, як звычайна, з працы праз вакзал. А тут якраз хапун пачаўся. Забралі. Сама потым пазваніла. А больш нічога ня ведалі».
Шмат хто з тых, хто з раніцы чакаў каля Маскоўскага суду, ня ўбачыў прозьвішчаў сваіх сваякоў і знаёмых у сьпісе. Не знайшлося ў сьпісе Паўла Шараміцкага, Кацярыны Мікіценкі, Жымойдзіка ды іншых. На Акрэсьціна, дзе трымалі гэтых людзей, сваякам адказвалі, што іх вывезьлі, але ў судзе гэтага не пацьвярджалі. Праваабаронцы не выключаюць, што суды над тымі, каго не асудзілі «ў першай хвалі», пройдуць 5 ліпеня ці будуць перанесеныя на невядомы тэрмін, як было 30 чэрвеня.
Праваабаронца зь «Вясны» Валянцін Стэфановіч: «Ужо вядома пра сама меней 14 прысудаў у розных судах, і ўсе — адміністрацыйныя арышты. Гэта сьведчыць пра тое, што ўлады ўсё больш жорстка рэагуюць на акцыі маўклівага пратэсту. Пачыналі проста з затрыманьняў, потым перайшлі да штрафаў. Цяпер караюць арыштам. Прычым на Акрэсьціна „пераначавалі“ ўжо 140 чалавек, і няма падстаў думаць, што іх чакаюць іншыя прысуды. Інакш як такімі жорсткімі пакараньнямі ўлада, відаць, ня можа зьбіць хвалю пратэстаў».
