Экспэрты АБСЭ, якія маюць азнаёміцца з дакумэнтамі аб сьмерці беларускага журналіста Алега Бябеніна, заўтра прыбудуць у Менск.
Два экспэрты-крыміналісты з краін АБСЭ прыбудуць у Менск 26 кастрычніка, каб азнаёміцца з матэрыяламі пракурорскай праверкі па факце сьмерці беларускага журналіста Алега Бябеніна.
Пра гэта Інтэрфаксу паведамілі ў пракуратуры Менскай вобласьці. Там атрымалі афіцыйнае пацьверджаньне гэтага.
Экспэрты-крыміналісты прадстаўляюць дзьве скандынаўскія краіны — Нарвэгію ды Швэцыю.
20 верасьня МЗС Беларусі атрымаў афіцыйны ліст генэральнага сакратара АБСЭ, у якім напісана пра гатоўнасьць сакратарыяту АБСЭ прызначыць двух незалежных экспэртаў у галіне судмэдэкспэртызы і крыміналістыкі.
Заснавальнік сайту "Хартыя-97" Алег Бябенін быў знойдзены ў пятлі на лецішчы 3 верасьня.
Людзі, якія бачылі цела Бябеніна, кажуць пра падазроны вывіх нагі, драпіны і плямы на руках і целе нябожчыка. Аднак у заключэньні афіцыйнай экспэртызы сказана пра адсутнасьць сьлядоў зьнешняга ўзьдзеяньня.
Два экспэрты-крыміналісты з краін АБСЭ прыбудуць у Менск 26 кастрычніка, каб азнаёміцца з матэрыяламі пракурорскай праверкі па факце сьмерці беларускага журналіста Алега Бябеніна.
Пра гэта Інтэрфаксу паведамілі ў пракуратуры Менскай вобласьці. Там атрымалі афіцыйнае пацьверджаньне гэтага.
Экспэрты-крыміналісты прадстаўляюць дзьве скандынаўскія краіны — Нарвэгію ды Швэцыю.
20 верасьня МЗС Беларусі атрымаў афіцыйны ліст генэральнага сакратара АБСЭ, у якім напісана пра гатоўнасьць сакратарыяту АБСЭ прызначыць двух незалежных экспэртаў у галіне судмэдэкспэртызы і крыміналістыкі.
Заснавальнік сайту "Хартыя-97" Алег Бябенін быў знойдзены ў пятлі на лецішчы 3 верасьня.
Людзі, якія бачылі цела Бябеніна, кажуць пра падазроны вывіх нагі, драпіны і плямы на руках і целе нябожчыка. Аднак у заключэньні афіцыйнай экспэртызы сказана пра адсутнасьць сьлядоў зьнешняга ўзьдзеяньня.
