Ад пачатку лета эколягі зарэгістравалі пажары на тэрыторыях Расейскай Фэдэрацыі, забруджаных радыенуклідамі. Гэта перадусім Бранская, Калуская, Арлоўская ды іншыя вобласьці. Дагэтуль расейскія ўлады абвяргалі папярэджаньні пра радыяцыйную небясьпеку, але сёньня пацьверджана: на Браншчыне сапраўды адбыліся пажары ў лясах, забруджаных радыяцыяй пасьля аварыі на Чарнобыльскай АЭС. Ці пацягне гэта за сабой наступствы для Беларусі, якая суседнічае з расейскім рэгіёнам?
Расейскія эколягі б’юць трывогу: у залежнасьці ад умоваў надвор’я разнос радыенуклідаў зь ветрам ад пажарышчаў можа перавысіць некалькі соцень кілямэтраў. Аднак спэцыялісты ў Беларусі глыбокага пэсымізму расейскіх калегаў не падзяляюць. На думку старшыні сацыяльна-экалягічнага аб’яднаньня «Цэнтар падтрымкі чарнобыльскіх ініцыятываў» Івана Нікітчанкі, для Беларусі нашмат больш небясьпечная пагроза ўласна пажараў. А вось напалохаць невялікай дадатковай дозай радыяцыі беларусаў наўрад ці магчыма:
«Справа ў тым, што Беларусь і без пажараў забруджваецца пастаянна. То бок Беларусь зараз і без таго ўся накрытая радыяцыяй. Калі вецер адтуль што і прынясе, то ня думаю, што гэта будзе мець нейкія катастрафічныя наступствы. Хоць, натуральна, лепей, каб вецер у наш бок ня дзьмуў.Вось сам па сабе пажар можа быць вялікай праблемай, а радыяцыі ў нас і сваёй хапае. Так, трэба абараняць ад яе людзей, але ж ніхто ня хоча. Мы і да прэзыдэнта двойчы спрабавалі прабіцца, аднак ён „непрабівальны“. Звароты некалькі разоў у адпаведныя ведамствы накіроўвалі, але чыноўнікі пакруцяць іх у сябе там — і нам адказ даюць: у нас усё ў норме і няма чаго турбавацца».
Ва Ўпраўленьні лясной гаспадаркі Бранскай вобласьці заяўляюць, што сытуацыя кантралюецца. Ня бачаць падставаў для панікі і ў Міністэрстве надзвычайных сытуацый (МНС) Беларусі. У апэратыўным штабе дзяжурны паведаміў, што пры адзінкавых ачагах узгараньня, зафіксаваных на той жа Браншчыне, гаварыць пра нейкую пагрозу для Беларусі ўвогуле не выпадае:
«Ну вось я зараз якраз на афіцыйным сайце расейскага МНС, гляджу мапы пажаранебясьпечных раёнаў. І нешта ня бачу, каб у бранскіх лясах былі асаблівыя пажары. Проста перада мной раскладзеныя расейскія мапы — няма там нічога страшнага. А калі ўзгараньні нязначныя, то на радыеактыўнай сытуацыі гэта не адаб’ецца практычна ніяк. Ня бачу абсалютна ніякіх прычынаў, каб асабліва турбавацца. Да таго ж, як вядома, вецер дзьме заўсёды заходні: цыклёны ў бок Расеі ідуць з захаду, праз нас транзытам. З расейскага боку на нас вецер надзвычай рэдка бывае. Ружа вятроў заўжды накіраваная ў бок Расейскай Фэдэрацыі».
На бліжэйшыя дні сыноптыкі зноў прагназуюць істотнае падвышэньне тэмпэратуры. А гэта значыць, што пагроза ўзьнікненьня пажараў у лясах і на тарфяніках ўзрастае. Тычыцца гэта і плошчаў, забруджаных чарнобыльскай радыяцыяй. Аднак прадстаўнік Міністэрства надзвычайных сытуацый кажа, што з улікам падзеяў у Расеі сытуацыя з пажаранебясьпечным становішчам узятая пад асабліва пільны кантроль:
«Падставаў ні да якай панікі, думаю, ня будзе. Блізу Беларусі, па вялікім рахунку, нічога і не гарыць. Нязначныя ачагі назіраюцца на поўначы краіны, і тое далёка ад мяжы. Таму ня бачу асаблівых падставаў да перажываньняў. Да таго ж у нас праходзяць дажджы. Так, зараз сьпёка зноў узмоцніцца, крыху ўзрасьце колькасьць пажараў на тэрыторыі Беларусі. Але моцна яна не павялічыцца. Я, зноў жа, гляджу сытуацыю на сайце МНС Расеі — няма ўжо глябальных пажараў на іх тэрыторыі. А адзінкавыя выпадкі — дык яны існуюць паўсюль».
Між тым, як паказвае досьвед суседзяў, недаацэньваць пагрозу распаўсюду пажараў немагчыма. Як і тое, што агонь можа накрыць тэрыторыі, якія пацярпелі ад радыеактыўнага забруджаньня ў выніку аварыі на Чарнобыльскай АЭС.
Расейскія эколягі б’юць трывогу: у залежнасьці ад умоваў надвор’я разнос радыенуклідаў зь ветрам ад пажарышчаў можа перавысіць некалькі соцень кілямэтраў. Аднак спэцыялісты ў Беларусі глыбокага пэсымізму расейскіх калегаў не падзяляюць. На думку старшыні сацыяльна-экалягічнага аб’яднаньня «Цэнтар падтрымкі чарнобыльскіх ініцыятываў» Івана Нікітчанкі, для Беларусі нашмат больш небясьпечная пагроза ўласна пажараў. А вось напалохаць невялікай дадатковай дозай радыяцыі беларусаў наўрад ці магчыма:
«Справа ў тым, што Беларусь і без пажараў забруджваецца пастаянна. То бок Беларусь зараз і без таго ўся накрытая радыяцыяй. Калі вецер адтуль што і прынясе, то ня думаю, што гэта будзе мець нейкія катастрафічныя наступствы. Хоць, натуральна, лепей, каб вецер у наш бок ня дзьмуў.
Калі вецер адтуль што і прынясе, то ня думаю, што гэта будзе мець нейкія катастрафічныя наступствы.
Ва Ўпраўленьні лясной гаспадаркі Бранскай вобласьці заяўляюць, што сытуацыя кантралюецца. Ня бачаць падставаў для панікі і ў Міністэрстве надзвычайных сытуацый (МНС) Беларусі. У апэратыўным штабе дзяжурны паведаміў, што пры адзінкавых ачагах узгараньня, зафіксаваных на той жа Браншчыне, гаварыць пра нейкую пагрозу для Беларусі ўвогуле не выпадае:
«Ну вось я зараз якраз на афіцыйным сайце расейскага МНС, гляджу мапы пажаранебясьпечных раёнаў. І нешта ня бачу, каб у бранскіх лясах былі асаблівыя пажары. Проста перада мной раскладзеныя расейскія мапы — няма там нічога страшнага. А калі ўзгараньні нязначныя, то на радыеактыўнай сытуацыі гэта не адаб’ецца практычна ніяк. Ня бачу абсалютна ніякіх прычынаў, каб асабліва турбавацца. Да таго ж, як вядома, вецер дзьме заўсёды заходні: цыклёны ў бок Расеі ідуць з захаду, праз нас транзытам. З расейскага боку на нас вецер надзвычай рэдка бывае. Ружа вятроў заўжды накіраваная ў бок Расейскай Фэдэрацыі».
На бліжэйшыя дні сыноптыкі зноў прагназуюць істотнае падвышэньне тэмпэратуры. А гэта значыць, што пагроза ўзьнікненьня пажараў у лясах і на тарфяніках ўзрастае. Тычыцца гэта і плошчаў, забруджаных чарнобыльскай радыяцыяй. Аднак прадстаўнік Міністэрства надзвычайных сытуацый кажа, што з улікам падзеяў у Расеі сытуацыя з пажаранебясьпечным становішчам узятая пад асабліва пільны кантроль:
«Падставаў ні да якай панікі, думаю, ня будзе. Блізу Беларусі, па вялікім рахунку, нічога і не гарыць. Нязначныя ачагі назіраюцца на поўначы краіны, і тое далёка ад мяжы. Таму ня бачу асаблівых падставаў да перажываньняў. Да таго ж у нас праходзяць дажджы. Так, зараз сьпёка зноў узмоцніцца, крыху ўзрасьце колькасьць пажараў на тэрыторыі Беларусі. Але моцна яна не павялічыцца. Я, зноў жа, гляджу сытуацыю на сайце МНС Расеі — няма ўжо глябальных пажараў на іх тэрыторыі. А адзінкавыя выпадкі — дык яны існуюць паўсюль».
Між тым, як паказвае досьвед суседзяў, недаацэньваць пагрозу распаўсюду пажараў немагчыма. Як і тое, што агонь можа накрыць тэрыторыі, якія пацярпелі ад радыеактыўнага забруджаньня ў выніку аварыі на Чарнобыльскай АЭС.
