Менавіта перад плошчай былі затрыманы актывіст «Маладога фронту» Мікола Дземідзенка і ўдзельнік «справы 14-ці» Алесь Чарнышоў. Паводле Алеся Чарнышова, разам зь ім у пастарунку было дзевяць затрыманых.
«Проста пад рукі ўзялі, адвялі ў аўтобус абсыпаючы мацюганьнямі. Адвезьлі, перапісалі дадзеныя. Асабліва вялікай сілы не прыкладалі. Пратаколы не складалі».
На плошчы таксама было шмат міліцыянтаў. Аднак двое сяброў БХД Алесь Ількевіч і Сяргей Аненка, а таксама сябры "Маладога фронту" Ўладзімер Яроменка і Міхась Бутылін разгарнулі партрэты зьняволеных ваўкавыскіх прадпрымальнікаў Мікалая Аўтуховіча і Ўладзімера Асіпенкі, а таксама віцебскага актывіста Алега Сургана. Літаральна праз пяць хвілінаў блізу паўтара дзесятка спэцназаўцаў акружылі ўдзельнікаў акцыі. Падагналі міліцэйскі аўтобус, які спыніўся за сьпінамі пікетоўцаў, усіх пасадзілі і адвезьлі ў Цэнтральны РУУС. Прыкладна праз дзьве гадзіны ўсіх адпусьцілі без складаньня пратаколаў. Сяргей Анянкоў расказаў:
«На гэты раз неяк, на дзіва, нас без лаянкі і даволі культурна запрасілі ў аўтобус і пратрымалі ў пастарунку дзьве гадзіны. Проста перапісалі дадзеныя».
ФОТА І ОНЛАЙН
Яшчэ 13 актывістаў ( зь іх двое непаўналетніх) «Маладой Беларусі», «Эўрапейскай Беларусі» і іншых арганізацый былі затрыманыя падчас акцыі салідарнасьці ля Вярхоўнага суду.
Лідэр «Маладой Беларусі» Артур Фінькевіч сказаў, што акцыя працягвалася некалькі хвілінаў:
«Пры затрыманьні ніхто не прадстаўляўся. Затрымлівалі нахабна, даволі груба. Але потым паводзілі сябе досыць ветліва і акуратна. У пастарунку было досыць мякка. Але потым высьветлілася, што гэтая мяккасьць была падманлівай. І ў выніку праз тры з паловай гадзіны на нас склалі пратаколы па артыкуле, кожнаму ў залежнасьці ад таго, ці затрымліваўся чалавек раней цягам года — ад часткі адзін да часткі тры — і выпусьцілі. Магчыма, што да 25 сакавіка нас могуць кожнага з адзінаццаці чалавек завесьці ў суд і прысудзіць арышт для таго, каб проста не дапусьціць удзел ў сьвяткаваньні Дня волі».
Сярод тых, на каго склалі пратаколы, былі таксама патэнцыйныя кандыдаты у дэпутаты, якія падалі дакумэнты на рэгістрацыю.
Актывіст «Эўрапейскай Беларусі» Максім Вінярскі назваў неабгрунтаванымі дзеяньні міліцыі:
«Згодна з рашэньнем таго ж Вярхоўнага суду, каля якога мы былі, стаяньне з партрэтамі не зьяўляецца пікетаваньнем і не патрабуе ніякага дазволу».
Падсумоўваючы вынікі акцый, Артур Фінькевіч сказаў:
«Гэта ўсё такія званочкі. Мне падаецца, што набліжаюцца прэзыдэнцкія выбары і ўлада паводзіць сябе ўсё больш нахабна па меры набліжэньня выбараў. З кожным днём у гэтым пляне можа быць усё горш. Нам варта быць салідарнымі, быць разам».
«Проста пад рукі ўзялі, адвялі ў аўтобус абсыпаючы мацюганьнямі. Адвезьлі, перапісалі дадзеныя. Асабліва вялікай сілы не прыкладалі. Пратаколы не складалі».
На плошчы таксама было шмат міліцыянтаў. Аднак двое сяброў БХД Алесь Ількевіч і Сяргей Аненка, а таксама сябры "Маладога фронту" Ўладзімер Яроменка і Міхась Бутылін разгарнулі партрэты зьняволеных ваўкавыскіх прадпрымальнікаў Мікалая Аўтуховіча і Ўладзімера Асіпенкі, а таксама віцебскага актывіста Алега Сургана. Літаральна праз пяць хвілінаў блізу паўтара дзесятка спэцназаўцаў акружылі ўдзельнікаў акцыі. Падагналі міліцэйскі аўтобус, які спыніўся за сьпінамі пікетоўцаў, усіх пасадзілі і адвезьлі ў Цэнтральны РУУС. Прыкладна праз дзьве гадзіны ўсіх адпусьцілі без складаньня пратаколаў. Сяргей Анянкоў расказаў:
«На гэты раз неяк, на дзіва, нас без лаянкі і даволі культурна запрасілі ў аўтобус і пратрымалі ў пастарунку дзьве гадзіны. Проста перапісалі дадзеныя».
ФОТА І ОНЛАЙН
Яшчэ 13 актывістаў ( зь іх двое непаўналетніх) «Маладой Беларусі», «Эўрапейскай Беларусі» і іншых арганізацый былі затрыманыя падчас акцыі салідарнасьці ля Вярхоўнага суду.
Лідэр «Маладой Беларусі» Артур Фінькевіч сказаў, што акцыя працягвалася некалькі хвілінаў:
«Пры затрыманьні ніхто не прадстаўляўся. Затрымлівалі нахабна, даволі груба. Але потым паводзілі сябе досыць ветліва і акуратна. У пастарунку было досыць мякка. Але потым высьветлілася, што гэтая мяккасьць была падманлівай. І ў выніку праз тры з паловай гадзіны на нас склалі пратаколы па артыкуле, кожнаму ў залежнасьці ад таго, ці затрымліваўся чалавек раней цягам года — ад часткі адзін да часткі тры — і выпусьцілі. Магчыма, што да 25 сакавіка нас могуць кожнага з адзінаццаці чалавек завесьці ў суд і прысудзіць арышт для таго, каб проста не дапусьціць удзел ў сьвяткаваньні Дня волі».
Сярод тых, на каго склалі пратаколы, былі таксама патэнцыйныя кандыдаты у дэпутаты, якія падалі дакумэнты на рэгістрацыю.
Актывіст «Эўрапейскай Беларусі» Максім Вінярскі назваў неабгрунтаванымі дзеяньні міліцыі:
«Згодна з рашэньнем таго ж Вярхоўнага суду, каля якога мы былі, стаяньне з партрэтамі не зьяўляецца пікетаваньнем і не патрабуе ніякага дазволу».
Падсумоўваючы вынікі акцый, Артур Фінькевіч сказаў:
«Гэта ўсё такія званочкі. Мне падаецца, што набліжаюцца прэзыдэнцкія выбары і ўлада паводзіць сябе ўсё больш нахабна па меры набліжэньня выбараў. З кожным днём у гэтым пляне можа быць усё горш. Нам варта быць салідарнымі, быць разам».
