Дзеці ня ходзяць у школу ў Магілёве, Бабруйску і шэрагу раёнаў вобласьці. Вакацыі пакуль спыненыя толькі ў школах Горацкага раёну. Тым часам на Бялыніччыне колькасьць закрытых на каранцін школ павялічваецца. Афіцыйныя крыніцы сёньня паведамілі пра закрыцьцё ў раёне Сьвяцілавіцкай сярэдняй школы.
Паводле Магілёўскага абласнога цэнтру гігіены, эпідэміялёгіі і грамадзкага здароўя, у рэгіёне праз захворваньні на грып і вострыя рэсьпіраторныя інфэкцыі па мэдычную дапамогу зьвярнуліся 5831 чалавек. Сорак працэнтаў зь іх — дзеці.
У рэгіёне шпіталізавана 117 чалавек, зь іх 71 дзіця.
Найбольш складаная сытуацыя — у Асіповіцкім, Крычаўскім, Горацкім раёнах. Тут агулам хварэюць каля тысячы чалавек.
Санітары адзначаюць, што ўчора па мэдычную дапамогу зьвярнуліся 9832 чалавекі. Сёмага ж лістапада такой дапамогі шукалі 4776 чалавек. Амаль палова зь іх — дзеці да сямнаццаці гадоў.
Пра хворых на гэтак званы сьвіны грып афіцыйна другі дзень нічога не паведамляецца. Апошні раз у панядзелак мэдыкі прызнавалі дзесяць выпадкаў. Сярод хворых было адзінаццацігадовае дзіця.
Факт сьмерці горацкай мэдсястры ад двухбаковай пнэўманіі афіцыйна не прызнаны. Вядома, што яна памерла ў Магілёўскай абласной бальніцы пры канцы мінулага тыдня. 11 лістапада ў мэдычнай установе паведамілі, што пнэўманія можа быць вынікам ускладненьня ад грыпу.
Паводле Магілёўскага абласнога цэнтру гігіены, эпідэміялёгіі і грамадзкага здароўя, у рэгіёне праз захворваньні на грып і вострыя рэсьпіраторныя інфэкцыі па мэдычную дапамогу зьвярнуліся 5831 чалавек. Сорак працэнтаў зь іх — дзеці.
У рэгіёне шпіталізавана 117 чалавек, зь іх 71 дзіця.
Найбольш складаная сытуацыя — у Асіповіцкім, Крычаўскім, Горацкім раёнах. Тут агулам хварэюць каля тысячы чалавек.
Санітары адзначаюць, што ўчора па мэдычную дапамогу зьвярнуліся 9832 чалавекі. Сёмага ж лістапада такой дапамогі шукалі 4776 чалавек. Амаль палова зь іх — дзеці да сямнаццаці гадоў.
Пра хворых на гэтак званы сьвіны грып афіцыйна другі дзень нічога не паведамляецца. Апошні раз у панядзелак мэдыкі прызнавалі дзесяць выпадкаў. Сярод хворых было адзінаццацігадовае дзіця.
Факт сьмерці горацкай мэдсястры ад двухбаковай пнэўманіі афіцыйна не прызнаны. Вядома, што яна памерла ў Магілёўскай абласной бальніцы пры канцы мінулага тыдня. 11 лістапада ў мэдычнай установе паведамілі, што пнэўманія можа быць вынікам ускладненьня ад грыпу.
