У сэрыі “Беларускі Музычны Архіў” выйшаў дыск “З крывіцкай сям’і”, на якім прадстаўленыя творы беларускіх музыкаў на вершы Натальлі Арсеньневай, а між імі трэкі з голасам самой паэткі, якая чытае свае ўлюбёныя вершы. Прэзэнтацыя дыску сёньня ў Менску ў касьцёле сьвятых Сымона і Алены сабрала поўную залю.
Прэзэнтацыя пачалася выступам гурту “Ростра” зь песьняй “Я ішла”. Потым былі “Zigzag”, “П.Л.А.Н.” — усяго на дыску прадстаўленыя творы трынаццаці музыкаў і гуртоў. Знакаміты гімн “Магутны Божа” гучыць двойчы — у выкананьні Данчыка і музыкаў праекту “Я нарадзіўся тут”.
Выдаць такі дыск прапанаваў музыказнаўца Вітаўт Мартыненка. Ён склаў і адрэдагаваў выданьне, праца над якім прынесла шмат прыемных нечаканак.
“Нечаканым было атрымаць магнітафонныя запісы яе ўспамінаў і вершаў. З усяго гэтага багацьця трэба было выбраць няшмат для дыску. І мы выбралі вершы. І на дыску яна чытае верш і гучыць песьня на гэты верш, альбо на іншы, калі няма на гэты”.
Яшчэ, прызнаўся Вітаўт Мартыненка, нечаканым для яго быў факт, што ў Канадзе выходзіла некалькі вінілавых кружэлак з творамі на вершы Натальлі Арсеньневай. Спадар Вітаўт склаў дыскаграфію паэткі, якая налічвае шаснаццаць пунктаў. Яна і прадмова да дыску вядомага дзеяча беларускай эміграцыі ў ЗША Янкі Запрудніка зьмешчаныя ў дадатку да выданьня.
Сучасныя беларускія музыкі зьвярнуліся да творчасьці паэткі, як толькі сталі даступныя на радзіме яе творы. І праблемаў з матэрыялам ў выдаўцоў не было, зазначае прадусар “Беларускага Музычнага Архіву” Віталь Супрановіч.
“Шмат песьняў на вершы Арсеньневай ужо было запісана на іншых кружэлках. Можна згадаць, да прыкладу, праект “Я нарадзіўся тут” і творчасьць асобных музыкаў”.
І ўсе, хто хацеў, каб іхныя песьні на вершы знакамітай паэткі выдаўцы ўключылі ў гэты дыск, атрымаў такую магчымасьць. А слухачы атрымалі магчымасьць слухаць. Дарэчы, гэты дыск — ужо адзінаццаты ў сэрыі “Беларускага Музычнага Архіву”. І сёньня было шмат такіх наведнікаў імпрэзы, якія хацелі набыць усе. Але тры першыя ўжо даўно разышліся. Наступным жа выданьнем будзе дыск, прысьвечаны Кастусю Каліноўскаму.
Прэзэнтацыя пачалася выступам гурту “Ростра” зь песьняй “Я ішла”. Потым былі “Zigzag”, “П.Л.А.Н.” — усяго на дыску прадстаўленыя творы трынаццаці музыкаў і гуртоў. Знакаміты гімн “Магутны Божа” гучыць двойчы — у выкананьні Данчыка і музыкаў праекту “Я нарадзіўся тут”.
Выдаць такі дыск прапанаваў музыказнаўца Вітаўт Мартыненка. Ён склаў і адрэдагаваў выданьне, праца над якім прынесла шмат прыемных нечаканак.
“Нечаканым было атрымаць магнітафонныя запісы яе ўспамінаў і вершаў. З усяго гэтага багацьця трэба было выбраць няшмат для дыску. І мы выбралі вершы. І на дыску яна чытае верш і гучыць песьня на гэты верш, альбо на іншы, калі няма на гэты”.
Яшчэ, прызнаўся Вітаўт Мартыненка, нечаканым для яго быў факт, што ў Канадзе выходзіла некалькі вінілавых кружэлак з творамі на вершы Натальлі Арсеньневай. Спадар Вітаўт склаў дыскаграфію паэткі, якая налічвае шаснаццаць пунктаў. Яна і прадмова да дыску вядомага дзеяча беларускай эміграцыі ў ЗША Янкі Запрудніка зьмешчаныя ў дадатку да выданьня.
Сучасныя беларускія музыкі зьвярнуліся да творчасьці паэткі, як толькі сталі даступныя на радзіме яе творы. І праблемаў з матэрыялам ў выдаўцоў не было, зазначае прадусар “Беларускага Музычнага Архіву” Віталь Супрановіч.
“Шмат песьняў на вершы Арсеньневай ужо было запісана на іншых кружэлках. Можна згадаць, да прыкладу, праект “Я нарадзіўся тут” і творчасьць асобных музыкаў”.
І ўсе, хто хацеў, каб іхныя песьні на вершы знакамітай паэткі выдаўцы ўключылі ў гэты дыск, атрымаў такую магчымасьць. А слухачы атрымалі магчымасьць слухаць. Дарэчы, гэты дыск — ужо адзінаццаты ў сэрыі “Беларускага Музычнага Архіву”. І сёньня было шмат такіх наведнікаў імпрэзы, якія хацелі набыць усе. Але тры першыя ўжо даўно разышліся. Наступным жа выданьнем будзе дыск, прысьвечаны Кастусю Каліноўскаму.
