Заснавальнікі Беларускай хрысьціянскай дэмакратыі адчулі на сабе ціск з боку ўладаў. У Міністэрстве юстыцыі знаходзяцца дакумэнты на рэгістрацыю партыі. Сьпісы заснавальнікаў і дэлегатаў зьезду трапілі ў ідэалягічныя аддзелы райвыканкамаў па месцы іх жыхарства. Людзям тэлефануюць, выклікаюць на размовы і нават прапануюць звальняцца з працы.
Сустаршыня аргкамітэту дзеля стварэньня БХД Павал Севярынец расказаў, што цягам месяца каля чатырох сотняў падпісантаў і дэлегатаў устаноўчага зьезду мелі тэлефонныя размовы. Некаторым зь іх пагражалі праблемамі на працы.
Каля двух дзясяткаў чалавек выклікалі на размовы ў адміністрацыю прадпрыемстваў, дзе яны працуюць. Некаторым у катэгарычнай форме прапанавалі звольніцца па ўласным жаданьні.
Сярод іх быў Дзяніс Хабіраў з Наваполацку. Дзяніс вучыцца завочна ў Полацкім унівэрсытэце. Ён працаваў грузчыкам на вінным заводзе.
“З паўгоду таму мы ладзілі пікет. Тады прыйшла папера на працу. Мне далі тэрмін, каб «выправіцца», а цяпер — папера за заснаваньне БХД. Калі б я не напісаў па ўласным жаданьні, то мне б сапсавалі працоўную кніжку”.
Сябра БХД Пётар Мігурскі, які працуе дацэнтам у Магілёўскім унівэрсытэце, распавёў, што ў самім Магілёве і ў некаторых раённых цэнтрах сяброў БХД прымушаюць адклікаць свае подпісы.
“У нас галоўны закон гэта не КДБ. Галоўны закон гэта Канстытуцыя, якая не перашкаджае нам ствараць розныя партыі, грамадзкія аб’яднаньні і г.д. Гэта справа грамадзянаў, а не кіраўнікоў прадпрыемстваў.
Міністэрства юстыцыі павінна зарэгістраваць без чужой дапамогі, ні мясцовага КДБ, ні кіраўнікоў. Такая мая пазыцыя“.
Павал Севярынец на зьезьдзе БХДАдным сябрам БХД папросту тэлефануюць і запытваюць, ці ставілі яны свае подпісы ў дакумэнтах, іншым — пагражаюць звальненьнямі. Сустаршыня БХД Павал Севярынец лічыць, што такая неаднароднасьць тлумачыцца ініцыятыўнасьцю і актыўнасьцю супрацоўнікаў КДБ і ідэалягічных аддзелаў у тым ці іншым рэгіёне.
“У тых рэгіёнах, дзе актыўна працуюць аддзелы ідэалёгіі й КДБ, людзей пачынаюць прымушаць выйсьці з БХД, бо яны страцяць працу, пачынаюць «наяжджаць» на вучобе, перасьледаваць нават праз райаддзелы міліцыі. Таму мы гэта зьвязваем з тым, што па ўсёй краіне разбудаваны рэпрэсіўны апарат, які без загаду «не чапаць» згары, дзейнічае ўжо практычна ў аўтаномным рэжыме.
Рэжым ужо не замыкаецца на адным чалавеку наверсе, які аддае загад — і ўся сыстэма пайшла яго выконваць, а рэпрэсіўная сыстэма працуе ўжо на мясцовым узроўні“.
Павал Севярынец не выключае, што чыноўнікі рыхтуюць асобны сьпіс з прозьвішчаў тых, хто адклікаў свой подпіс, каб потым скарыстацца ім для адмоўнага адказу. Але ён упэўнены, што рашэньне аб рэгістрацыі БХД будзе выключна палітычным і ня будзе залежаць ад таго, як аформленыя дакумэнты на рэгістрацыю партыі.
Сустаршыня аргкамітэту дзеля стварэньня БХД Павал Севярынец расказаў, што цягам месяца каля чатырох сотняў падпісантаў і дэлегатаў устаноўчага зьезду мелі тэлефонныя размовы. Некаторым зь іх пагражалі праблемамі на працы.
Каля двух дзясяткаў чалавек выклікалі на размовы ў адміністрацыю прадпрыемстваў, дзе яны працуюць. Некаторым у катэгарычнай форме прапанавалі звольніцца па ўласным жаданьні.
Сярод іх быў Дзяніс Хабіраў з Наваполацку. Дзяніс вучыцца завочна ў Полацкім унівэрсытэце. Ён працаваў грузчыкам на вінным заводзе.
“З паўгоду таму мы ладзілі пікет. Тады прыйшла папера на працу. Мне далі тэрмін, каб «выправіцца», а цяпер — папера за заснаваньне БХД. Калі б я не напісаў па ўласным жаданьні, то мне б сапсавалі працоўную кніжку”.
Сябра БХД Пётар Мігурскі, які працуе дацэнтам у Магілёўскім унівэрсытэце, распавёў, што ў самім Магілёве і ў некаторых раённых цэнтрах сяброў БХД прымушаюць адклікаць свае подпісы.
У нас галоўны закон гэта не КДБ. Галоўны закон гэта Канстытуцыя.
Міністэрства юстыцыі павінна зарэгістраваць без чужой дапамогі, ні мясцовага КДБ, ні кіраўнікоў. Такая мая пазыцыя“.
“У тых рэгіёнах, дзе актыўна працуюць аддзелы ідэалёгіі й КДБ, людзей пачынаюць прымушаць выйсьці з БХД, бо яны страцяць працу, пачынаюць «наяжджаць» на вучобе, перасьледаваць нават праз райаддзелы міліцыі. Таму мы гэта зьвязваем з тым, што па ўсёй краіне разбудаваны рэпрэсіўны апарат, які без загаду «не чапаць» згары, дзейнічае ўжо практычна ў аўтаномным рэжыме.
Рэжым ужо не замыкаецца на адным чалавеку наверсе, які аддае загад — і ўся сыстэма пайшла яго выконваць, а рэпрэсіўная сыстэма працуе ўжо на мясцовым узроўні“.
Павал Севярынец не выключае, што чыноўнікі рыхтуюць асобны сьпіс з прозьвішчаў тых, хто адклікаў свой подпіс, каб потым скарыстацца ім для адмоўнага адказу. Але ён упэўнены, што рашэньне аб рэгістрацыі БХД будзе выключна палітычным і ня будзе залежаць ад таго, як аформленыя дакумэнты на рэгістрацыю партыі.
