У суботу, напярэдадні кубкавых сустрэчаў, адбылася справаздачная канфэрэнцыя Беларускай фэдэрацыі футболу. У часе паседжаньня міністар спорту і турызму Аляксандар Грыгараў наўпрост заявіў: амаральнай выглядае сытуацыя, калі падчас эканамічнай стагнацыі футбалісты прэтэндуюць на ганарары папярэдніх сэзонаў. На перакананьне міністра, заробкі гульцоў завышаныя. Многія атрымлівалі 5 тысяч даляраў штомесяц, але ёсьць і тыя, чый прыбытак набліжаўся да 10 тысяч. У той жа час узровень гульні клюбаў ніяк не адпавядаў нават сярэдняму эўрапейскаму паказьніку. У прыбытках беларусы апярэдзілі многія клюбы Польшчы, Румыніі, Чэхіі, дзе заробкі ўдвая меншыя. Такой дыспазыцыяй тлумачыцца і вялікая колькасьць легіянэраў у беларускім чэмпіянаце.
Аднак, як лічаць экспэрты, карэктывы будуць зробленыя і бяз крытыкі спартовых чыноўнікаў. Каштарыс на сэзон-2009 быў ухвалены яшчэ летась, і бюджэты фармаваліся ў беларускіх рублях. З улікам дэвальвацыі гэта ўжо прывяло да 20-30-працэнтнага скарачэньня клюбных скарбонак. Падчас канфэрэнцыі старшыня Беларускай фэдэрацыі футболу Генадзь Нявыглас сказаў, што ў зьвязку з эканамічнымі цяжкасьцямі будзе працягнутая лінія на скарачэньне колькасьці камандаў вышэйшай лігі. Калі сёлета ў мацнейшым дывізіёне стартуюць 14 калектываў замест мінулагодніх 16-ці, то ў наступным годзе ў эліце застанецца толькі тузін клюбаў.
Анатоль Капскі, старшыня праўленьня аднаго з найбольш пасьпяховых футбольных клюбаў Беларусі, барысаўскага БАТЭ, лічыць: у цяперашняй сытуацыі адказным функцыянэрам трэба спыніць разьлічваць на зьнешнія фінансавыя ўліваньні, а проста інакш паставіцца да справы. Той жа БАТЭ леташнім удзелам у Лізе чэмпіёнаў зарабіў каля 6 мільёнаў эўра:
“У прынцыпе, крызісныя зьявы адбіваюцца на ўсім і на ўсіх сфэрах жыцьця. Таму, канечне, і на футболе гэта адаб’ецца. Я лічу, што ўвогуле ў крызіса два бакі. Скажам, ёсьць, з аднаго боку, ягоныя дрэнныя праявы, таму што жыць становіцца горш. А зь іншага боку, ён стымулюе да нейкіх нетрывіяльных рашэньняў, да пэўнага ўпарадкаваньня дзейнасьці. Таму я лічу, што ў дадзеным выпадку ўсё залежыць ад упраўленцаў, якія працуюць у клюбе. Бо шмат каму складана было і ў дакрызісныя часы – усе чакаюць, што сама па сабе павінна манна нябесная ўпасьці. А я лічу, што трэба проста лепш працаваць, вось і ўсё. Зарабляць грошы! Таму, паўтараю, крызіс закране ўсіх, але нічога катастрафічнага ў гэтым няма”.
Спартовы інтэрнэт-рэсурс eSport.by напярэдадні новага футбольнага сэзону правёў апытаньне сярод кіраўнікоў клюбаў наконт фінансавых пэрспэктываў. Абсалютная большасьць апытаных прызналіся, што у той ці іншай ступені зазнаюць матэрыяльныя цяжкасьці. Так, старшыня праўленьня наваполацкага “Нафтану” Леанід Падліпскі паведаміў, што каштарыс у параўнаньні з 2008 годам урэзаны на 50%. Выканаўца абавязкаў старшыні праўленьня гарадзенскага “Нёмана” Сяргей Кароза ня выключыў, што давядзецца адкарэктаваць заробкі гульцоў, уключна з тымі, хто быў на прывілеяваным становішчы. Па некаторых зьвестках, у сталічнага МТЗ-РІПО бюджет сёлета скароціцца на 1,5 мільёна даляраў. Да таго ж, МТЗ-РІПО і “Нёман” дагэтуль не прайшлі абавязковую працэдуру ліцэнзаваньня. Аднак у часе канфэрэнцыі БФФ было выказана спадзяваньне, што праблемы ў камандаў “несыстэмнага характару”, да пачатку рэгулярнага першынства яны іх пасьпеюць выправіць.
Яшчэ горшыя справы ў камандаў першай лігі. Спонсары не сьпяшаюцца дзяліцца сродкамі з клюбамі, якія змагаюцца ў малапрэстыжным дывізіёне. Даходзіць да радыкальных крокаў. На Віцебшчыне расфармаваная футбольная каманда “ПМЦ-Паставы”. Прадпрыемства “Мэблевы вытворчы цэнтар”, уладальнік клюбу, з-за крызісу страціла міжнародныя рынкі збыту, грошай на ўтрыманьне каманды ня стала, і яе распусьцілі. Прадпрыемства абвясьціла аб пераходзе на скарочаны працоўны тыдзень, а заадно скінула “футбольны баляст”.
Паводле папярэдніх дадзеных, найлепшае фінансавае становішча ў квартэце беларускіх камандаў, сярод якіх барысаўскі БАТЭ, менскае “Дынама”, салігорскі “Шахцёр” і мікашэвіцкі “Граніт”.
Завісьлі ў паветры анансаваныя праекты ўдасканаленьня футбольнай інфраструктуры. Сродкаў на перабудову маральна састарэлага менскага стадыёну “Дынама” няма. Пакуль што прыярытэт аддадзены хакейнай галіне, ужо сёлета у сталічным мікрараёне Чыжоўка пачнуць будаваць чарговы лядовы палац. Пад вялікім пытаньнем узьвядзеньне шматфункцыянальнай арэны на месцы стадыёну “Трактар”. Галоўны інвэстар – літоўскі бізнэсовец Уладзімер Раманаў, гаспадар футбольнага холдынгу ў складзе беларускага МТЗ РІПА, літоўскага “Каўнаса” і шатляндзкага “Хартсу” – заявіў пра ўдзел у выбарах прэзыдэнта Літвы і спартовыя справы адсунуў на пэрспэктыву. Пакуль невядома, на колькі аддаленую.
Аднак, як лічаць экспэрты, карэктывы будуць зробленыя і бяз крытыкі спартовых чыноўнікаў. Каштарыс на сэзон-2009 быў ухвалены яшчэ летась, і бюджэты фармаваліся ў беларускіх рублях. З улікам дэвальвацыі гэта ўжо прывяло да 20-30-працэнтнага скарачэньня клюбных скарбонак. Падчас канфэрэнцыі старшыня Беларускай фэдэрацыі футболу Генадзь Нявыглас сказаў, што ў зьвязку з эканамічнымі цяжкасьцямі будзе працягнутая лінія на скарачэньне колькасьці камандаў вышэйшай лігі. Калі сёлета ў мацнейшым дывізіёне стартуюць 14 калектываў замест мінулагодніх 16-ці, то ў наступным годзе ў эліце застанецца толькі тузін клюбаў.
Анатоль Капскі, старшыня праўленьня аднаго з найбольш пасьпяховых футбольных клюбаў Беларусі, барысаўскага БАТЭ, лічыць: у цяперашняй сытуацыі адказным функцыянэрам трэба спыніць разьлічваць на зьнешнія фінансавыя ўліваньні, а проста інакш паставіцца да справы. Той жа БАТЭ леташнім удзелам у Лізе чэмпіёнаў зарабіў каля 6 мільёнаў эўра:
Крызіс стымулюе да нейкіх нетрывіяльных рашэньняў, да пэўнага ўпарадкаваньня дзейнасьці...
“У прынцыпе, крызісныя зьявы адбіваюцца на ўсім і на ўсіх сфэрах жыцьця. Таму, канечне, і на футболе гэта адаб’ецца. Я лічу, што ўвогуле ў крызіса два бакі. Скажам, ёсьць, з аднаго боку, ягоныя дрэнныя праявы, таму што жыць становіцца горш. А зь іншага боку, ён стымулюе да нейкіх нетрывіяльных рашэньняў, да пэўнага ўпарадкаваньня дзейнасьці. Таму я лічу, што ў дадзеным выпадку ўсё залежыць ад упраўленцаў, якія працуюць у клюбе. Бо шмат каму складана было і ў дакрызісныя часы – усе чакаюць, што сама па сабе павінна манна нябесная ўпасьці. А я лічу, што трэба проста лепш працаваць, вось і ўсё. Зарабляць грошы! Таму, паўтараю, крызіс закране ўсіх, але нічога катастрафічнага ў гэтым няма”.
Спартовы інтэрнэт-рэсурс eSport.by напярэдадні новага футбольнага сэзону правёў апытаньне сярод кіраўнікоў клюбаў наконт фінансавых пэрспэктываў. Абсалютная большасьць апытаных прызналіся, што у той ці іншай ступені зазнаюць матэрыяльныя цяжкасьці. Так, старшыня праўленьня наваполацкага “Нафтану” Леанід Падліпскі паведаміў, што каштарыс у параўнаньні з 2008 годам урэзаны на 50%. Выканаўца абавязкаў старшыні праўленьня гарадзенскага “Нёмана” Сяргей Кароза ня выключыў, што давядзецца адкарэктаваць заробкі гульцоў, уключна з тымі, хто быў на прывілеяваным становішчы. Па некаторых зьвестках, у сталічнага МТЗ-РІПО бюджет сёлета скароціцца на 1,5 мільёна даляраў. Да таго ж, МТЗ-РІПО і “Нёман” дагэтуль не прайшлі абавязковую працэдуру ліцэнзаваньня. Аднак у часе канфэрэнцыі БФФ было выказана спадзяваньне, што праблемы ў камандаў “несыстэмнага характару”, да пачатку рэгулярнага першынства яны іх пасьпеюць выправіць.
Яшчэ горшыя справы ў камандаў першай лігі. Спонсары не сьпяшаюцца дзяліцца сродкамі з клюбамі, якія змагаюцца ў малапрэстыжным дывізіёне. Даходзіць да радыкальных крокаў. На Віцебшчыне расфармаваная футбольная каманда “ПМЦ-Паставы”. Прадпрыемства “Мэблевы вытворчы цэнтар”, уладальнік клюбу, з-за крызісу страціла міжнародныя рынкі збыту, грошай на ўтрыманьне каманды ня стала, і яе распусьцілі. Прадпрыемства абвясьціла аб пераходзе на скарочаны працоўны тыдзень, а заадно скінула “футбольны баляст”.
Паводле папярэдніх дадзеных, найлепшае фінансавае становішча ў квартэце беларускіх камандаў, сярод якіх барысаўскі БАТЭ, менскае “Дынама”, салігорскі “Шахцёр” і мікашэвіцкі “Граніт”.
Завісьлі ў паветры анансаваныя праекты ўдасканаленьня футбольнай інфраструктуры. Сродкаў на перабудову маральна састарэлага менскага стадыёну “Дынама” няма. Пакуль што прыярытэт аддадзены хакейнай галіне, ужо сёлета у сталічным мікрараёне Чыжоўка пачнуць будаваць чарговы лядовы палац. Пад вялікім пытаньнем узьвядзеньне шматфункцыянальнай арэны на месцы стадыёну “Трактар”. Галоўны інвэстар – літоўскі бізнэсовец Уладзімер Раманаў, гаспадар футбольнага холдынгу ў складзе беларускага МТЗ РІПА, літоўскага “Каўнаса” і шатляндзкага “Хартсу” – заявіў пра ўдзел у выбарах прэзыдэнта Літвы і спартовыя справы адсунуў на пэрспэктыву. Пакуль невядома, на колькі аддаленую.
