Сёньня Эўрапейскі парлямэнт прыняў рэзалюцыю па Беларусі. У дакумэнце гаворыцца, што дзеля таго, каб значна палепшыць стасункі з Эўразьвязам, Беларусь павінна выканаць пяць асноўных патрабаваньняў Брусэлю. У прыватнасьці, яна павінна заставацца краінай без палітвязьняў; улады мусяць забясьпечыць свабоду мэдыяў; працягваць супрацоўніцтва з АБСЭ ў справе зьмяненьня выбарчага заканадаўства… Як ацэньваюць значэньне гэтай рэзалюцыі ў Беларусі?
Прэсавы сакратар МЗС Беларусі Андрэй Папоў, адказваючы “Свабодзе”, адзначыў, што для дэталёвага аналізу трэба дачакацца афіцыйнага тэксту гэтага дакумэнта:
“Што тычыцца працягу дыялёгу зь Беларусьсю, то гэта вельмі слушны ляйтматыў з боку нашых эўрапейскіх візаві. На дадзеным этапе дыялёг паміж Эўразьвязам і Беларусьсю працягваецца. І нам прыемна адзначыць, што ён усё больш набывае прагматычны, узаемавыгадны характар.
Мы ўжо ў некаторых сфэрах узаемнага інтарэсу шмат у чым прасунуліся з пункту гледжаньня канкрэтных вынікаў. Ужо ўсталяваныя даволі шчыльныя працоўныя кантакты паміж энэргетычнымі структурамі Беларусі і Эўразьвязу, у сельскай гаспадарцы таксама разгортваецца неблагая дынаміка. Таму будзем і надалей дамагацца, каб гэта супрацоўніцтва набывала яшчэ больш плённы характар“.
Вінцук ВячоркаПершы намесьнік старшыні Партыі БНФ Вінцук Вячорка адзначае: калі казаць пра першае ўражаньне, то гэты дакумэнт падаецца канстатацыйным.
“Ён асьцярожны, ён ня ўтрымлівае ніякіх выразных ацэнак. І гэта яго безумоўны мінус. Я перакананы, што варта было б сказаць, ці ёсьць зрухі ў кірунку інстытуцыянальных, незваротных, заканадаўчых зьменаў. І калі ўжо заахвочваць да нечага, то менавіта да такіх зьменаў, а ня проста да пачатку дыялёгу з АБСЭ пра магчымыя зьмены выбарчага заканадаўства.
Ну і, безумоўна, мяне засмучае тое, што зноў сьцьвярджаецца, што няма палітычных вязьняў. Ну як жа няма, калі ёсьць! І я зноў жа нагадваю імя Антона Кішкурны. Шкада, што ў дакумэнце не заўважаецца ніякім штрышком зьмена мэтодыкі рэпрэсіяў, для якіх цяпер выкарыстоўваюцца падатковыя інспэкцыі, фінансавыя органы, адміністрацыі прадпрыемстваў, якія звальняюць палітычна актыўных работнікаў. І, у рэшце рэшт, ваенкаматы і ваенна-мэдыцынскія ўстановы. Не хацелася б, каб гэты дакумэнт стаў вестуном такога ўсёдараваньня ў канцы паўгадавога тэставага пэрыяду“.
Палітоляг Алесь Лагвінец падкрэсьлівае: менавіта Эўрапарлямэнт увесь час цікавіцца сытуацыяй у Беларусі:
Алесь Лагвінец“Ён зьяўляецца той эўрапейскай інстытуцыяй, якая найбольш дбае пра зьмены ў Беларусі. І гэта вельмі важна. А па-другое, мы знаходзімся ў сярэдзіне пэрыяду — тых шасьці месяцаў, якія прапанаваныя беларускім уладам, каб выправіць сытуацыю і пачаць сапраўднае супрацоўніцтва з Эўрапейскім Зьвязам.
І хаця гэтая рэзалюцыя складзеная ў занадта пазытыўных для беларускіх уладаў выразах і ў ёй выказваюцца вялікія чаканьні, яна вельмі важная. Бо гэта тое, што будзе ствараць плятформу для далейшага прыняцьця рашэньня. І відавочна, што ад беларускіх уладаў чакаюць іншых пазытыўных крокаў“.
За рэзалюцыю прагаласаваў 551 дэпутат, супраць — 15, устрымаўся — 31.
Прэсавы сакратар МЗС Беларусі Андрэй Папоў, адказваючы “Свабодзе”, адзначыў, што для дэталёвага аналізу трэба дачакацца афіцыйнага тэксту гэтага дакумэнта:
“Што тычыцца працягу дыялёгу зь Беларусьсю, то гэта вельмі слушны ляйтматыў з боку нашых эўрапейскіх візаві. На дадзеным этапе дыялёг паміж Эўразьвязам і Беларусьсю працягваецца. І нам прыемна адзначыць, што ён усё больш набывае прагматычны, узаемавыгадны характар.
Мы ўжо ў некаторых сфэрах узаемнага інтарэсу шмат у чым прасунуліся з пункту гледжаньня канкрэтных вынікаў. Ужо ўсталяваныя даволі шчыльныя працоўныя кантакты паміж энэргетычнымі структурамі Беларусі і Эўразьвязу, у сельскай гаспадарцы таксама разгортваецца неблагая дынаміка. Таму будзем і надалей дамагацца, каб гэта супрацоўніцтва набывала яшчэ больш плённы характар“.
“Ён асьцярожны, ён ня ўтрымлівае ніякіх выразных ацэнак. І гэта яго безумоўны мінус. Я перакананы, што варта было б сказаць, ці ёсьць зрухі ў кірунку інстытуцыянальных, незваротных, заканадаўчых зьменаў. І калі ўжо заахвочваць да нечага, то менавіта да такіх зьменаў, а ня проста да пачатку дыялёгу з АБСЭ пра магчымыя зьмены выбарчага заканадаўства.
Мяне засмучае тое, што зноў сьцьвярджаецца, што няма палітычных вязьняў. Ну як жа няма, калі ёсьць.
Палітоляг Алесь Лагвінец падкрэсьлівае: менавіта Эўрапарлямэнт увесь час цікавіцца сытуацыяй у Беларусі:
І хаця гэтая рэзалюцыя складзеная ў занадта пазытыўных для беларускіх уладаў выразах і ў ёй выказваюцца вялікія чаканьні, яна вельмі важная. Бо гэта тое, што будзе ствараць плятформу для далейшага прыняцьця рашэньня. І відавочна, што ад беларускіх уладаў чакаюць іншых пазытыўных крокаў“.
За рэзалюцыю прагаласаваў 551 дэпутат, супраць — 15, устрымаўся — 31.
