Ягоным намесьнікам стаў 53-гадовы Валеры Іваноў, які раней працаваў старшынём Шклоўскага райвыканкаму. Абедзьве кандыдатуры абраныя на безальтэрнатыўнай аснове.
За кандыдатуру Ўладзімера Андрэйчанкі пры патаемным галасаваньні выказаліся 107 дэпутатаў. Адзін выказаўся супраць, а яшчэ адзін бюлетэнь прызналі несапраўдным.
Уладзімер АндрэйчанкаНовы сьпікер заявіў: галоўнае ў заканатворчым працэсе на бліжэйшыя чатыры гады вызначыў Аляксандар Лукашэнка — ствараць якасныя законы. Зыходзячы з гэтага, спадар Андрэйчанка сфармуляваў перад Палатай наступную трыяду:
“Нам неабходна так весьці заканатворчую працу, каб яна, па-першае, мацавала і цэмэнтавала беларускую дзяржаўнасьць, пераводзіла на мову законаў прыярытэты ўнутранай і зьнешняй палітыкі Беларусі; па-другое, каб была прагматычнай, зыходзіла з жыцьцёвых рэаліяў; і, па-трэцяе, увасабляла ў канкрэтныя заканадаўчыя рашэньні інтарэсы і чаканьні людзей”.
Тое, што менавіта Ўладзімер Андрэйчанка стане новым сьпікерам Палаты, на сайце “Белорусский партизан” прагназавалі яшчэ чатыры месяцы таму. Аглядальніца гэтага сайту Сьвятлана Калінкіна кажа: сёньняшняе абраньне толькі пацьвярджае, што “ў нас добрыя крыніцы інфармацыі”.
Сьвятлана Калінкіна“Мы даведаліся пра тое, што Андрэйчанка сыходзіць з губэрнатарскай пасады, тады, калі яшчэ нават не было вядома, ці будзе ягонае прозьвішча ў сьпісе кандыдатаў у дэпутаты. Наколькі мы ведаем, ва ўльтыматыўнай форме Андрэйчанку прапанавалі новую пасаду. І, наколькі я ведаю, да апошняга рабіўся выбар паміж ім і намесьнікам кіраўніка прэзыдэнцкай адміністрацыі спадаром Папковым. Але зараз мы ўжо ведаем, на карысьць каго ён зроблены”.
Валеры Іваноў, фота house.gov.byКандыдатуру Валерыя Іванова на пасаду віцэ-сьпікера прапанаваў Уладзімер Андрэйчанка. Вынікі патаемнага галасаваньня наступныя: “за” — 105 дэпутатаў, “супраць” — 4. Перад галасаваньнем спадар Іваноў адзначыў:
“Перамогі, атрыманыя ў акругах, гэта сьведчаньне здаровага настрою ў грамадзтве, яго вернасьці палітычнаму і сацыяльнаму курсу, які быў абраны ў 1994 годзе”.
Аналітыкі зьвярнулі ўвагу на тое, што ў кіраўніцтве новай Палаты прадстаўнікоў няма сталічных чыноўнікаў. Іхныя месцы занялі людзі з рэгіёнаў.
Аляксандар Фядута, які мае досьвед працы ва ўладных структурах, тлумачыць гэта так:
Аляксандар Фядута“Кіраўнічая эліта, на мой погляд, кансалідуецца напярэдадні вельмі цяжкіх часоў. Зразумела, што ў эканоміцы будзе адбывацца нешта, што не зусім спрыяе палітычнай сытуацыі. Таму трэба абапірацца на людзей, якія ведаюць, што адбываецца ў рэгіёнах”.
За кандыдатуру Ўладзімера Андрэйчанкі пры патаемным галасаваньні выказаліся 107 дэпутатаў. Адзін выказаўся супраць, а яшчэ адзін бюлетэнь прызналі несапраўдным.
“Нам неабходна так весьці заканатворчую працу, каб яна, па-першае, мацавала і цэмэнтавала беларускую дзяржаўнасьць, пераводзіла на мову законаў прыярытэты ўнутранай і зьнешняй палітыкі Беларусі; па-другое, каб была прагматычнай, зыходзіла з жыцьцёвых рэаліяў; і, па-трэцяе, увасабляла ў канкрэтныя заканадаўчыя рашэньні інтарэсы і чаканьні людзей”.
Тое, што менавіта Ўладзімер Андрэйчанка стане новым сьпікерам Палаты, на сайце “Белорусский партизан” прагназавалі яшчэ чатыры месяцы таму. Аглядальніца гэтага сайту Сьвятлана Калінкіна кажа: сёньняшняе абраньне толькі пацьвярджае, што “ў нас добрыя крыніцы інфармацыі”.
“Перамогі, атрыманыя ў акругах, гэта сьведчаньне здаровага настрою ў грамадзтве, яго вернасьці палітычнаму і сацыяльнаму курсу, які быў абраны ў 1994 годзе”.
Аналітыкі зьвярнулі ўвагу на тое, што ў кіраўніцтве новай Палаты прадстаўнікоў няма сталічных чыноўнікаў. Іхныя месцы занялі людзі з рэгіёнаў.
Аляксандар Фядута, які мае досьвед працы ва ўладных структурах, тлумачыць гэта так:
