Крызіс прыйшоў у Беларусь

Ці пачнецца дэвальвацыя беларускага рубля?

Золатавалютныя запасы Беларусі, разьлічаныя паводле стандартаў Міжнароднага валютнага фонду, за верасень скараціліся на 460 мільёнаў даляраў. Гэта — дзясятая частка ўсяго рэзэрву краіны. Ці зьвязана гэтае скарачэньне з усясьветным фінансавым крызісам?


“Можна чакаць, што беларускі рубель будзе падаць”

“Па-першае, крызіс ужо адмоўна адбіўся на беларускіх фінансах. Бо на сусьветным рынку павялічыліся працэнты за крэдыты. І гэта азначае страты для Беларусі сёлета ацэначна ў 200—300 мільёнаў даляраў...”
“Нацбанк мусіць пачынаць дэвальвацыю беларускага рубля”

Кіраўнік аналітычнага фонду Мізэса Яраслаў Раманчук гаворыць: Нацыянальны банк мусіць пачынаць дэвальвацыю беларускага рубля. Інакш наступіць пагроза зьнішчэньня золатавалютных рэзэрваў.
Л.Заіка: 7 мільярдаў могуць зьнікнуць даволі хутка

Кіраўнік аналітычнага цэнтру “Стратэгія” Леанід Заіка мяркуе, што 460 мільёнаў даляраў стратаў — у маштабах дзяржавы ня надта значная сума. Гэта прыкладна на ўзроўні сумарных месячных пэнсій беларусаў.
93% прадпрыемстваў ужо вырашылі акцыянавацца

«Рашэньне пра акцыянаваньне прынялі 163 з 176 прадпрыемстваў, якія належыць прыватызаваць ў 2008 годзе», - пра гэта Інтэрфаксу паведамілі ў дзяржаўным камітэце па маёмасьці Беларусі.
Беларускія банкі ствараюць “падушкі бясьпекі”

“Крызіс у Расеі прывёў да таго, што расейскія банкі-нерэзыдэнты, а іх у Беларусі нямала, пачалі даваць менш валюты на наш унутраны валютны рынак. Гэта тычыцца, прыкладам, ВТБ, БелРосбанку, Белгазпрамбанку ды некаторых іншых.
Усясьветны фінансавы крызіс, які сёньня застаецца галоўнай міжнароднай праблемай, можа закрануць у некаторай ступені і Беларусь. Пра гэта кіраўнік краіны Аляксандар Лукашэнка заявіў 7 кастрычніка падчас наведваньня КДБ.

"Не выключана, што стане больш складана прадаваць тавары на экспарт", —заявіў кіраўнік краіны. – І перад намі стаіць задача выставіць што б там ні было".

"Хачу задаць пытаньне "сьвядомай" інтэлігенцыі. Хто меў рацыю: Лукашэнка са сваёй палітыкай абароны эканомікі і арыентацыі на нармальную мадэль разьвіцьця або тыя дзеячы, якія называюць сябе "рыначнікамі"? — сказаў А.Лукашэнка.

Паводле яго слоў, сёньня ў сьвеце "за капейкі можна купіць добрыя сучасныя прадпрыемствы".

"Думаю, на Захадзе хутка апамятаюцца і будуць трымаць свой нацыянальны здабытак у руках дзяржавы, як трымаем гэта мы заўсёды. Вось адказ на галоўнае пытаньне, якое можна адрасаваць і частцы той "сьвядомай" інтэлігенцыі, што крытыкуе курс, які праводзіцца Беларусьсю", — заявіў А.Лукашэнка.

***

На сусьветных біржах працягваецца падзеньне каціровак акцый. На сусьветных біржах працягваецца падзеньне каціровак акцый. Індэкс вядучых амэрыканскіх кампаній Dow Jones упаў ва аўторак на 5,11%, апусьціўшыся да новага пяцігадовага мінімуму 9447,11 пункты. Dow Jones зьнізіўся па выніках пятай тарговай сэсіі запар. За гэтыя пяць дзён індэкс страціў больш 1400 пунктаў, зьнізіўшыся амаль на 13%. Інвэстары непакояцца, што працяглы фінансавы крызіс можа справакаваць сур’ёзнае запавольваньне сусьветнай эканомікі. У ЗША каціроўкі рэзка пайшлі ўніз пасьля таго, як кіраўнік Фэдэральнай рэзэрвовай сыстэмы Бэн Бэрнанке заявіў, што сытуацыя ў амэрыканкай эканоміцы можа пагоршыцца. ФРС таксама аб’явіла пра намер выкупіць у кампаній кароткатэрміновыя даўгі з мэтай ажывіць рынак.

У Токіо біржавы індэкс Nikkei зьнізіўся больш чым на 9 працэнтаў. Асноўны індэкс Франкфурцкай біржы ў сераду ўпаў на 5 працэнтаў. Падзеньне зафіксаванае таксама на фондавых біржах Ганконгу, Тайваня, Лёндана, Парыжа і Амстэрдама. Расейскія фондавыя біржы прыпынілі таргі з прычыны новага абвалу курсу акцый. Сёньня за першую гадзіну таргоў цэны найбольш ліквідных акцый ўпалі на 12-17 працэнтаў.