“Мы шкадуем, што не адбылося паляпшэньня ў асьвятленьні выбарчай кампаніі, тым больш што гэта быў шанец для Беларусі нармалізаваць стасункі зь міжнароднай супольнасьцю”, гаворыцца ў заяве міжнароднай арганізацыі “Рэпарцёры бязь межаў”.
“Мэдыі — як лякальнага, так і нацыянальнага ўзроўню – засяроджваліся на працэдурных аспэктах выбарчага працэсу. Большасьць СМІ, пераважна фінансаваных зь бюджэту, надавалі больш увагі прэзыдэнту ды іншым прадстаўнікам дзяржаўнай улады…, чым ролі парлямэнту альбо кандыдатам», – цытуе заяву “Рэпарцёраў бязь межаў” прэсавая служба БАЖ.
Такія высновы грунтуюцца на выніках маніторынгу Беларускай асацыяцыі журналістаў і АБСЕ.
