САМАЕ ВАЖНАЕ

ЭЗ плянуе ўзмацніць жорсткасьць візавых правілаў: для 61 краіны могуць спыніць бязьвіз з Эўразьвязам

Эўразьвяз, выглядае, у канцы году плянуе ўдасканаліць мэханізм прыпыненьня дзеяньня візаў. Тады Брусэлю будзе лягчэй скасаваць бязьвізавы рэжым для грамадзян 61 краіны, якія цяпер ім карыстаюцца.

Вечная праблема Лукашэнкі. Анджэю Пачобуту за кратамі споўнілася 52 гады

Сёньня 52 гады спаўняецца палітвязьню Анджэю Пачобуту. Пяты дзень народзінаў ён сустракае за кратамі. І, падобна, зноў у ізаляцыі – у памяшканьні камэрнага тыпу (ПКТ).

Выкарыстаньне «беларускага балькону». Навошта Нарышкін прыяжджаў у Беларусь

Сэнс візыту ў Менск дырэктара Службы зьнешняй разьведкі РФ Сяргея Нарышкіна палягае ў тым, каб пагражаць суседзям Беларусі і адначасова поўнасьцю ангажаваць паслухмянага саюзьніка ў сваю ваенную палітыку, геапалітычны канфлікт з Захадам.

Ці можа Эўразьвяз падоўжыць санкцыі супраць Расеі, не зважаючы на ​​шантаж Вугоршчыны?

Падаўжэньне санкцыяў супраць Расеі стала адным з самых вострых пытаньняў для Эўразьвязу, асабліва сёлета. І тое, што Вугоршчына сыстэматычна перашкаджае такім мерам, прымушае чыноўнікаў у Брусэлі непакоіцца, што будзе ў ліпені, калі прыйдзе час іх чарговага працягу.

Два беларускія выдаўцы трапілі ў шорт-ліст прэстыжнай прэміі. Расказваем пра яе падрабязьней

Беларускія выдаўцы Надзея Кандрусевіч і Дзьмітры Строцаў трапілі ў шорт-ліст прэстыжнай прэміі IPA Prix Voltaire 2025 (прэмія Вальтэ́ра Міжнароднай асацыяцыі выдаўцоў за свабоду публікаваньня). Запыталіся ў старшыні ПЭН і выдаўца, чаму гэта так важна для Беларусі.

150 тысяч пакістанцаў замест 500 тысяч беларусаў: стратэгічны ход Лукашэнкі як спосаб умацаваньня рэжыму? Аналіз Валера Карбалевіча

Выкінуць з Беларусі больш за паўмільёна неляяльных беларусаў, а на іх месца завезьці 150 тысяч пакістанцаў — стратэгічная задума. Гэта вельмі адмоўна ўплывае на эканоміку, але ўмацуе рэжым. Улады штучна закрываюць для беларусаў Эўропу і гвалтам цягнуць краіну ў Азію, Афрыку

Кароўнік, сьвінарнік, гандаль крыптай. Як беларускія IT-спэцыялісты прафэсійна дэградуюць падчас зьняволеньня «за палітыку»

Праграмісты на «хіміі» працуюць у кароўніках і сьвінарніках, а ў калёніях іх уціскаюць і трымаюць ў ШЫЗА і ПКТ. За ахвяраваньні IT-спэцыялістам прысуджаюць шалёныя тэрміны. Ці здолеюць яны пасьля вярнуцца да інтэлектуальнай працы?

У Кітай за $1025 ці ў Аман за $900: Куды беларусу сёлета паехаць у адпачынак

Адпачынак за год падаражэў на 15-20%. Турыстычныя фірмы прапаноўваюць паездкі ў Эгіпэт, Турцыю, а таксама экзотыку – Аман, Кітай, Кубу. Паглядзелі, колькі каштуюць туры і ці можна яшчэ зьезьдзіць адпачыць у Эўропу.

«Гэта вам ня 40 тысяч эўра за Эвэрэст заплаціць». Чаму ўзыходжаньне беларускі Ліліі Яноўскай на Анапурну можна лічыць фантастыкай

Новае ўзыходжаньне ўраджэнкі Івянца стала далёка ня першым вялікім дасягненьнем беларускай альпіністкі, але ўсё ж яно асаблівае. Тлумачым, чым яно вылучаецца сярод іншых.

Новая дырэктыва Лукашэнкі і іншыя вынікі тыдня ад Карбалевіча. Відэа

Падзеі тыдня тлумачыць аналітычны аглядальнік Свабоды Валер Карбалевіч.

Дагнаць і перагнаць Захад у эканоміцы і дэмакратыі. Валер Карбалевіч — пра інтэрвію Лукашэнкі кампаніі «Мир»

Інтэрвію прайшло ў атмасфэры ўзаемнай сымпатыі. Аднак усё ж была адна тэма, якая зьяўляецца даволі хваравітай для Лукашэнкі. Гэта пытаньне пра дэмакратыю. Калі кранаюць за балючае месца, то ён пачынае хвалявацца, зрываецца. І пераходзіць у атаку, пачынае «выкрываць» заходнюю дэмакратыю.

«Быццам на іншай плянэце». Як беларусы зьяжджаюць у эміграцыю ў непапулярныя краіны

Беларус расказаў, як пасьля турмы зьехаў жыць у Гішпанію і зь якімі складанасьцямі там сутыкнуўся. Кіраўнік фонду дапамогі беларусам расказаў пра складанасьці эміграцыі ў непапулярныя для пераезду краіны.

«Усё, што па-беларуску, — гэта таксама форма пратэсту». Вялікая размова з аўтарам новага фільму аб жніўні 2020 Мішам Козыравым

Расейскі прадусар і журналіст Міша Козыраў выпусьціў фільм пра беларускія пратэсты 2020 году і пра ролю музыкі ў гэтых падзеях. «Свабода» распытала аўтара, чаму падзеі пяцігадовай даўніны ў Беларусі застаюцца актуальнымі дагэтуль і як беларускі пратэст успрымалі звонку.

«Прэлюдыя фашыстоўскага перавароту». 30 гадоў таму дэпутаты апазыцыі галадоўкай спрабавалі спыніць аўтарытарызм Лукашэнкі

На пачатку 1995 году Аляксандар Лукашэнка, незадоўга да таго абраны прэзыдэнтам Беларусі, агучыў ідэю рэфэрэндуму, вынікі якога паўплывалі на ўвесь далейшы ход беларускай гісторыі.

Ці выратуе рэжым ідэалёгія? Карбалевіч аналізуе новую дырэктыву Лукашэнкі

Дзяржаўная ідэалёгія — яскравая прыкмета таталітарнай дзяржавы. Яна манапольна навязваецца дзяржавай грамадзтву з выкарыстаньнем усіх інстытутаў улады, яе абавязаны прызнаваць усе грамадзяне. Але гэта супярэчыць прынцыпам дэмакратычнай дзяржавы — свабодзе сьветапоглядаў, прыярытэту правоў чалавека

Адзін прастойвае, іншы ў эміграцыі. Як некалі інавацыйныя заводы сталі праблемай для беларускіх уладаў і інвэстараў

Акумулятарны завод у Берасьці, супраць будаўніцтва якога пратэставалі мясцовыя жыхары, ідзе ў прастой. Свабода прыгадала іншыя інавацыйныя праекты, якія сталі праблемай як для ўладаў, так і для сваіх уладальнікаў.

10 фактаў пра Сержука Вітушку, лідэра легендарнай «Талакі», якому сёньня споўнілася б 60 гадоў

Сяржук Вітушка (1965–2012) — кіраўнік «Талакі», моладзевай арганізацыі, якая ўзьнікла ў сярэдзіне 1980-х гадоў і стала адным з рухавікоў новага беларускага адраджэньня.

«Мне баліць за іх душа». Як беларускі арнітоляг робіць хаткі для соваў у Грузіі

Нарадзіўся ў Маларыце, вывучаў «марскую біялёгію» ў Партугаліі, ахоўваў рэдкіх птушак і апублікаваў навуковую працу пра 68 відаў стракозаў у Беларусі. Гісторыя арнітоляга і адмыслоўцы ў стракозах Дзяніса Кіцеля.

Пра месца Беларусі ў сьвеце і яе саюзьнікаў — Валер Карбалевіч

Суседзі Беларусі пачынаюць разумець, што беларуская дыктатура — гэта ня толькі яе ўнутраная справа. Без вырашэньня «беларускага пытаньня» немагчыма казаць пра трывалы мір у рэгіёне. Бо нявырашанасьць унутрыпалітычнага канфлікту ў 2020 годзе выплюхнулася за межы і стварыла крызіс бясьпекі ў рэгіёне.

«Хачу працягваць далей». Як 10-гадовая беларуска стала мэдалісткай чэмпіянату Ізраілю ў гімнастыцы

Тры гады таму сям’я Марты Барадзіной мусіла ўцякаць зь Беларусі пасьля таго, як яе бацьку затрымалі за фатаздымкі расейскіх вайскоўцаў. У размове з Свабодай Алег і Марта Барадзіны расказалі пра посьпехі на новым месцы.

«Анжаліка зьбірала дадзеныя для складаньня кантрактаў аб супрацы з Каардынацыйнай радай». Калегі Мельнікавай пра апошнія размовы зь ёю

Амаль два тыдні няма ніякіх зьвестак пра сьпікерку Каардынацыйнай рады Анжаліку Мельнікаву. Свабода знайшла калег Анжалікі, якія размаўлялі зь ёй ужо пасьля таго, як нібыта яе тэлефон быў зафіксаваны ў Беларусі.

Сала, цыбуля, тарты і смартфоны. Што можа падаражэць пасьля рашэньня адпусьціць цэны

Сьпіс тавараў, на якія ў Беларусі рэгулююць цэны, скарацілі на 120 пазыцыяў. Гэта прадукты, электратавары, мэбля, тэкстыльныя вырабы. Расказваем пра наступствы.

«Нам кажуць, што мы як бы і ня нацыя». Ліст Сяргея Дубаўца да менскага сябра пра каляндарную пастку

Чым жывуць, пра што думаюць, чым пераймаюцца і на што спадзяюцца беларусы ў вымушанай эміграцыі. Пра гэта ў новым лісьце да свайго менскага сябра піша Сяргей Дубавец.

«Спрэс шыфраваньне й намёкі». Расказваем пра сакрэтны артэфакт 1773 году, які зьявіўся ў «Музэі Вольнай Беларусі»

Фонд «Музэю Вольнай Беларусі» ў Варшаве папоўніўся нехарактэрным для яго экспанатам — сакрэтным лістом, напісаным у 1773 годзе берасьцейскім ваяводам Янам Антоніем Гараінам, які абараняў незалежнасьць Рэчы Паспалітай ад Расейскай імпэрыі.

Закінутая савецкая база атрымала новае жыцьцё як чэскі аэраклюб. Фотагалерэя

Праз трыццаць пяць гадоў пасьля таго, як савецкія вайскоўцы пачалі пакідаць чэскую авіябазу ў Мілавіцах, у браняваных ангарах, дзе некалі былі вайсковыя самалёты МіГ, цяпер стаяць лёгкія «Сэсны».

Удар па рэпэтытарах. Улады працягваюць наступ на прыватную адукацыю: што прыдумалі на гэты раз

Міністэрства адукацыі прапануе забараніць выкладаньне онлайн празь небеларускія сэрвісы, а таксама прымусіць лягапэдаў працаваць выключна індывідуальна. Расказваем пра новы законапраект і пра тое, як на яго рэагуюць рэпэтытары.

Карбалевіч пра гандлёвыя войны і ньюзмэйкераў тыдня

«Памнажэньне колькасьці візуальнага сьмецьця». Што думаюць мастакі пра выявы, створаныя штучным інтэлектам

Свабода пагаварыла пра наступ новых візуальных тэхналёгіяў зь людзьмі, якія дзесяцігодзьдзямі ствараюць выявы ўласнымі рукамі й пачуцьцямі і не зьбіраюцца карыстацца дапамогай штучнага інтэлекту.

«Мяне вельмі моцна непакоіць, чыё яно». Гісторыя беларуса, якому ў Польшчы перасадзілі новае сэрца

Беларус Ільля Жалезьнякоў, расказаў, як яму ў Польшчы зрабілі перасадку донарскага сэрца. Пакуль Ільля ляжаў у шпіталі, яго падтрымлівалі незнаёмыя суайчыньнікі.

Дырэктыва аб дысцыпліне як сродак выратаваньня — аналіз Валера Карбалевіча

Аляксандр Лукашэнка 2 красавіка падпісаў Дырэктыву нумар 11 «Аб удасканаленьні функцыянаваньня сыстэмы органаў улады і кіраваньня, узмацненьні выканальніцкай дысцыпліны».

«Беларуская культура — гэта не мужык з каўтуном». Як паўставала кампанія «Будзьма», якая трапіла ў крытычную сытуацыю

У межах гэтай ініцыятывы праходзілі фэстывалі, канцэрты, ствараліся кліпы і шоў. Цяпер кампанія просіць дапамогі. Расказваем, што гэта за праект і ў чым яго важнасьць для беларусаў.

Кая Калас: «Няма станоўчых сыгналаў ад Расеі». Перамовы аб спыненьні агню зацягваюцца

Вярхоўная прадстаўніца ЭЗ у замежных справах і палітыцы бясьпекі Кая Калас заявіла, што ў бягучых перамовах аб спыненьні агню ва Украіне «няма станоўчых сыгналаў ад Расеі» і што Масква «проста гуляе ў гульні».

Як Вугоршчына можа ня выканаць ордэр МКС на арышт Нэтаньягу падчас яго візыту

Калі прэм’ер-міністар Ізраіля Біньямін Нэтаньягу наведае Вугоршчыну, ён ня будзе арыштаваны, нягледзячы на ордэр на арышт ад Міжнароднага крымінальнага суду за меркаваныя ваенныя злачынствы ў Газе.

Навошта Лукашэнку яшчэ адна АЭС? Аналіз Валера Карбалевіча

Як відаць, Аляксандар Лукашэнка прыняў палітычнае рашэньне будаваць у Беларусі другую АЭС. Аднак адказу на пытаньне, навошта яна патрэбная Беларусі, ніхто не дае і нават не зьбіраецца даваць. Яно не абмяркоўвалася ня толькі сярод адмыслоўцаў, але нават ва ўрадзе.

«Абое рабое». Што гарадзенцы думаюць аб прызначэньні Караева на пасаду кіраўніка вобласьці

Да прызначэньня на новую пасаду Караеў быў асабістым памочнікам Лукашэнкі на Горадзеншчыне. У жніўні 2020 году ён узначальваў МУС.

Плюнуў на навуку, але пасьля вярнуўся. Гісторыя посьпеху беларускага біёляга Максіма Домніча

Бясплатная праца ў Беларусі, будоўля ў ЗША, кіраўніцтва дасьледчай групай у нямецкім унівэрсытэце. Беларускі навуковец расказаў, чаму беларусам варта павучыцца ад Кітаю.

Жыхары Вільні сабраліся ля амбасады ЗША, каб ушанаваць памяць загінулых амэрыканскіх салдат. ФОТА

1 красавіка больш за тысячу чалавек сабраліся ля амбасады ЗША ў Вільні, каб ушанаваць памяць амэрыканскіх салдат, якія загінулі на палігоне ў Падбродзьдзі. У акцыі салідарнасьці таксама прынялі ўдзел вядомыя палітыкі краіны.

«Спроба прыхаваць рэпрэсіі», — праваабаронца Судаленка пра зьмены на сайце Вярхоўнага суду

«Сайт часова недасяжны, вядуцца рэглямэнтныя працы». Такую аб’яву з 5 сакавіка можна ўбачыць на сайце Вярхоўнага суду Беларусі, калі паспрабаваць адкрыць разьдзел «Расклад паседжаньняў».

Дубінай і пернікам. Як улады змагаюцца з кадравым дэфіцытам і ці дае гэта плён

У Беларусі застаецца праблема кадравага дэфіцыту, працоўных месцаў становіцца болей з кожным месяцам. Каб вырашыць праблему, улады завабліваюць мігрантаў, падымаюць заробкі і ціснуць на беспрацоўных. Што гэта дае і ў чым корань праблемы.

Эўразьвяз ня здыме санкцыяў з Расеі. Пакуль што

У апошнія тыдні Злучаныя Штаты, Расея і Ўкраіна прапануюць рамкі для спыненьня агню — адна з прапановаў тычыцца абароны энэргетычнай інфраструктуры, такой як электрастанцыі і лініі электраперадачаў, а другая факусуецца на зьмяншэньні баявых дзеяньняў у Чорным моры.

Радыё Свабода змагаецца за выжываньне. Зварот рэдакцыі

Беларуская служба Радыё Свабода — ці проста Свабода, як нас часта называюць беларусы — вымушаная адправіць частку рэдакцыі ў адпачынак, бо прыпынена фінансаваньне. Аднак мы не разьвітваемся.

«ПіК Свабоды». Дзе спікерка Каардынацыйнай Рады Анжаліка Мельнікава? Факты і вэрсіі

Што магло здарыцца са спікеркай Каардынацыйнай Рады Анжалікай Мельнікавай, якая зьнікла некалькі тыдняў таму? Якой каштоўнай інфармацыяй валодала Анжаліка Мельнікава, да чаго ў яе быў доступ? Каму можа быць выгадна зьнікненьне сьпікеркі КР?

«Другое прышэсьце» Юрыя Караева. Аналіз Валера Карбалевіча

Кампанія па прызначэньні на кіроўныя пасады сілавікоў спынілася ў 2024 годзе. Цяперашняе прызначэньне кіраўніком Гарадзенскай вобласьці экс-міністра МУС Юрыя Караева ідзе насуперак гэтай тэндэнцыі. Наўрад ці кадравае рашэньне зьяўляецца зломам трэнду, аднак у пэўным сэнсе яго можна лічыць знакавым.

Як зьмяніўся Ірпень у Кіеўскай вобласьці праз 3 гады пасьля вызваленьня ад расейскіх войскаў. Фота: як было і як стала

Які выгляд меў Ірпень у сакавіку 2022 году і што зьмянілася за тры гады пасьля вызваленьня — глядзіце ў фотарэпартажы Радыё Свабода.

Цэны, тарыфы, дапамога на пахаваньне. Што зьменіцца для беларусаў з 1 красавіка?

Свабода паглядзела, якія зьмены заплянаваныя ў Беларусі ў красавіку 2025 году.

Расея трымае ў палоне мірных жыхароў Бучы праз 3 гады пасьля яе вызваленьня

Праз тры гады пасьля таго, як украінскія сілы вызвалілі Бучу каля Кіева, дзе расейскія войскі зьдзейсьнілі адны з самых страшных злачынстваў у вайне, прынамсі 33 мірныя жыхары гэтага гораду застаюцца ў зьняволеньні ў Расеі.

«Ангела Мэркель рабіла штосьці падобнае». Гісторыя посьпеху беларускага хіміка Дзьмітрыя Фірагі

Гісторыя посьпеху беларускага хіміка Дзьмітрыя Фірагі, які распрацоўвае ў Нямеччыне навуковы софт, што дапамагае ў вытворчасьці лекаў і чый артыкул апублікаваў прэстыжны часопіс Nature.

Што вы ведаеце пра магнацкі род Радзівілаў? ТЭСТ

Радзівілаў называлі некаранаванымі каралямі Вялікага Княства Літоўскага, яны займалі найвышэйшыя пасады ў дзяржаве, спрабавалі аддзяліць Княства ад Рэчы Паспалітай і плянавалі стварыць уласны флёт на Чорным і Балтыйскім моры. Адкажыце на 10 пытаньняў і праверце сваё веданьне гісторыі Беларусі. ТЭСТ

Расейскія півавары прэтэндуюць на траціну беларускага рынку. Ці выціснуць яны беларускіх вытворцаў?

У пачатку гэтага году Беларусь стала асноўным імпартэрам расейскага піва. Вытворцы гэтага напою з Расеі і надалей плянуюць нарошчваць пастаўкі на беларускі рынак. Разьбіраемся, што гэта значыць для беларускіх вытворцаў і спажыўцоў.

На сваім падворку нельга, а ў лесе можна: Як зьбіраць бярозавік, каб не плаціць штраф і не нашкодзіць прыродзе

У Беларусі ўжо ідзе сэзон збору бярозавага соку. Зьбіраць можна з пачаткам актыўнага руху соку па ствале дрэва, пра што сьведчыць набуханьне пупышак на галінках.