Сусьветны патрыярх Варфаламей заклікаў да абмену «ўсіх на ўсіх» паміж Расеяй і Ўкраінай. Пра гэта паведамляе Каардынацыйны штаб у абыходжаньні з вайсковапалоннымі са спасылкай на Варфаламееўскую службу ў саборы Сьвятога Георгія ў Фэнэры ў Стамбуле, Турэччына.
У сваім звароце з нагоды Ўваскрасеньня Хрыстовага Сусьветны патрыярх Варфаламей адзначыў, што падтрымлівае ініцыятыву расейскага руху «Наш выхад».
«Гэта было б вельмі адчувальным пацьверджаньнем моцы Ўваскрасеньня Госпада», — сказаў Варфаламей.
ГЛЯДЗІЦЕ ТАКСАМА: «Ён на дух не пераносіў Homo sovieticus». Аповед пра апошнія гады жыцьця архіяпіскапа АрцеміяЯк адзначаецца на старонцы ініцыятывы, з нагоды сьвята расейская арганізацыя пошуку расейскіх вайскоўцаў зьвярнулася да Сусьветнага патрыярха з просьбай падтрымаць абмен.
Раней падчас велікоднай прамовы 31 сакавіка з аналягічным заклікам да абмену выступіў Папа Рымскі Францішак:
«Заклікаючы паважаць прынцыпы міжнароднага права, жадаю агульнага абмену ўсімі палоннымі паміж Расеяй і Ўкраінай: усіх на ўсіх!»
Нагадаем, што сёлета ў Літве зарэгістравалі Праваслаўную царкву Канстантынопальскага патрыярхату, сярод яе сьвятароў двое беларусаў — Георгі Рой і Аляксандар Кухта.
Расейская праваслаўная царква (РПЦ) адкрыта падтрымала вайну, што выклікала абурэньне і адыход ад царквы з боку шэрагу вернікаў,у тым ліку беларусаў. Некалькі сьвятароў, якія зазналі перасьледу ці не пагадзіліся з палітыкай Маскоўскага патрыярхату, пакінулі Беларусь. Праваслаўныя цэрквы Ўкраіны падрыхтавалі кіраўніку РПЦ Кірылу (Гундзяеву) адмысловы пісьмовы адказ.
ГЛЯДЗІЦЕ ТАКСАМА: Праваслаўныя цэрквы ва Ўкраіне адказалі на заяву патрыярха Кірыла пра «сьвятую вайну»