Эўрапейская камісія ў траўні абновіць інфармацыю аб статусе па ўступе ў Эўрапейскі Зьвяз для Ўкраіны, Малдовы і Грузіі.
«Адпаведная справаздача чакаецца ў кастрычніку, так што засталося 6 месяцаў, але працоўнае правіла ўжо цяпер: рэкамэндацыя пачаць перамовы аб далучэньні з Украінай і Малдовай, і аб статусе кандыдата для Грузіі», — паведаміў у сваім Twitter карэспандэнт Радыё Свабода ў Брусэлі.
У канцы лютага 2022 году, праз чатыры дні пасьля пачатку вайны, найвышэйшае кіраўніцтва Ўкраіны — прэзыдэнт Уладзімір Зяленскі, сьпікер парлямэнту Руслан Стэфанчук і прэм’ер Дзяніс Шмыгаль — падпісалі заяўку Ўкраіны на ўступленьне ў Эўразьвяз. У чэрвені лідэры краін ЭЗ яе разгледзелі і ўхвалілі рашэньне аб наданьні Ўкраіне статусу кандыдата на ўступленьне ў Эўразьвяз.
Цяпер украінскія ўлады просяць Эўразьвяз пачаць сёлета перамовы аб уступе Ўкраіны ў ЭЗ.
ГЛЯДЗІЦЕ ТАКСАМА: У Кіеве падчас паветранай трывогі прайшоў саміт «Украіна—Эўразьвяз» ГЛЯДЗІЦЕ ТАКСАМА: Нягледзячы на вайну і абстрэлы. Украіну за год расейскага ўварваньня наведала рэкордная колькасьць замежных палітыкаў. ФОТА ГЛЯДЗІЦЕ ТАКСАМА: Малдова выходзіць зь дзясяткаў пагадненьняў у рамках СНД