Вісконсін і Паўночная Караліна далучыліся да групы як мінімум з 22 штатаў, якія забаранілі папулярны дадатак для сацыяльных сетак TikTok на афіцыйных прыладах, паведамляе Competition policy international. Місісіпі, Індыяна, Луізыяна і Паўднёвая Дакота таксама ўваходзяць у гэтую групу.
Кангрэс нядаўна забараніў TikTok на большасьці прылад, выдадзеных урадам ЗША, з-за праблем зь бясьпекай. Узброеныя сілы Злучаных Штатаў таксама забаранілі сетку на вайсковых прыладах.
TikTok выкарыстоўваецца дзьвюма трацінамі амэрыканскіх падлеткаў і стаў другой па папулярнасьці праграмай у сьвеце. Ён належыць кітайскай кампаніі ByteDance, якая перанесла сваю штаб-кватэру ў Сынгапур у 2020 годзе. Крытыкі сьцьвярджаюць, што ўрад Кітая з дапамогай праграмы можа атрымаць доступ да дадзеных карыстальнікаў, такіх як гісторыя праглядаў і месцазнаходжаньне.
У прыватнасьці, у Вашынгтоне даўно расьце занепакоенасьць тым, што Пэкін можа выкарыстоўваць прававыя і нарматыўныя паўнамоцтвы, каб завалодаць дадзенымі амэрыканскіх карыстальнікаў або паспрабаваць прасунуць пракітайскія наратывы або дэзынфармацыю.
ГЛЯДЗІЦЕ ТАКСАМА: У Азэрбайджане заблякавалі TikTok за нэгатыўныя выказваньні аб войску краіны. Перастрэлкі на мяжы з Армэніяй прыпынілісяГубэрнатар Дэмакратычнай партыі ад штату Вісконсін Тоні Эвэрс у якасьці прычыны ўвядзеньня забароны ў сваім штаце назваў праблемы прыватнасьці і бясьпекі. Пасьля кансультацый з Фэдэральным бюро расьсьледаваньняў (ФБР) і супрацоўнікамі надзвычайных сытуацый загад Эвэрса распаўсюджваецца на большасьць дзяржаўных устаноў, за некаторымі выключэньнямі, такімі як крымінальныя сьледчыя, якія могуць выкарыстоўваць прыкладаньне для адсочваньня пэўных людзей. Пры гэтым яшчэ ў канцы 2022 Эвэрс казаў, што забароны ня будзе.
І ФБР, і Фэдэральная камісія сувязі папярэдзілі, што ўладальнік ByteDance Ltd. можа дзяліцца дадзенымі карыстальнікаў TikTok з аўтарытарным урадам Кітая.
ГЛЯДЗІЦЕ ТАКСАМА: Кіраўнік NASA: Кітай можа паспрабаваць захапіць участкі МесяцаРэакцыя кіраўніцтва TыкТок
«Мы расчараваныя тым, што так шмат штатаў кідаюцца на палітычную машыну, каб прыняць палітыку, якая ня будзе спрыяць паляпшэньню кібэрбясьпекі ў іх штатах і заснавана на беспадстаўнай хлусьні пра ТыкТок», — напісаў у электронным лісьце Джамал Браўн, прэс-сакратар праграмы, паведамляе AP.
ТыкТок распрацоўвае пляны бясьпекі дадзеных і канфідэнцыйнасьці ў рамках бягучага агляду нацыянальнай бясьпекі адміністрацыяй прэзыдэнта Джо Байдэна, гаворыцца ў паведамленьні.
Раней у ЗША адзначалі, што дасьледуюць шкодны ўплыў ТыкТок на псыхіку дзяцей і падлеткаў, а таксама спробы Кітая шпіёніць за амэрыканскімі журналістамі праз гэтую праграму.
ГЛЯДЗІЦЕ ТАКСАМА: У сеціва выклалі дадзеныя 3,5 мільёнаў карыстальнікаў пошты Mail.ru ГЛЯДЗІЦЕ ТАКСАМА: Сетка «ЎКантакце» заблякавала старонку Радыё Свабода