Паглядзелі, якія заробкі цяпер прапануюць на флягманах беларускай прамысловасьці.
МАЗ
Беларускі вытворца грузавікоў і аўтобусаў МАЗ на сваім сайце разьмяшчае адразу 117 вакансій.
Напрыклад, станочніку дрэваапрацоўчых станкоў прапануюць ад 700 рублёў за месяц. Прадугледжаны выпрабавальны тэрмін цягам аднаго месяца.Ёсьць і большыя заробкі — маляру па афарбоўцы мэталу гатовыя плаціць ад 1300 рублёў на месяц.
Інжынэру капітальнага будаўніцтва — ад 1250 рублёў, але патрабуюць досьвед працы ў 1–3 гады і вышэйшую адукацыю. Ад 1000 рублёў прапануюць інжынэру-канструктару 1-й катэгорыі.
Прапановы па большасьці вакансій не перавышаюць сярэдняга заробку за чэрвень у 1626,5 рубля.
ГЛЯДЗІЦЕ ТАКСАМА: За 5 гадоў на вёсцы закрыліся 118 дзіцячых садкоў і 146 школ. Глядзім, што з рэгіёнамі, якія хоча разьвіваць уладаМТЗ
На Менскім трактарным заводзе аж 1019 вакансій, калі верыць рэспубліканскай базе вакансій.
Напрыклад, інжынэру-электроніку прапануюць 650 рублёў на месяц. Трэба мець вышэйшую адукацыю.
Сьлесару-рамонтніку гатовыя плаціць 1300 рублёў, сыстэмнаму праграмісту — 890 рублёў.
Аднаму з кіраўнікоў структурных падразьдзяленьняў, начальніку прапануюць заробак у 900 рублёў, трэба мець вышэйшую эканамічную адукацыю і досьвед працы ў 5 гадоў.
Самы высокі заробак знаходзім у падручнага сталявара электрапечы — 2100 рублёў.
ГЛЯДЗІЦЕ ТАКСАМА: Інжынэру — ад 600 рублёў, эканамісту — ад 1000. Колькі цяпер гатовыя плаціць спэцыялістам у БеларусіБелАЗ
На вытворцы буйных самазвалаў — БелАЗе знаходзім 63 вакансіі. Грузчыку тут прапануюць 700 рублёў на месяц, машыністу крана — тыя ж 700 рублёў, начальніку бюро тэхналягічнага цэху — 1300 рублёў,.
Самы высокі заробак прапануюць намесьніку галоўнага энэргетыка ў электразабесьпячэньні — 1570 рублёў.
ГЛЯДЗІЦЕ ТАКСАМА: Лекараў шукаюць нават на заробак у 7 тысяч рублёў. Што з дэфіцытам мэдыкаў у Беларусі?«Гродна Азот»
На «Гродна Азоце», згодна з базай вакансій, 63 вольныя месцы. Лягістыку прапануюць да 1340 рублёў, спэцыялісту ў мытным дэкляраваньні — да 1660 рублёў, электрагазазваршчыку — да 1144 рублёў.
Адна з найбольш грашавітых вакансій — мэнэджар па спэцыяльнасьці «электраэнэргетыка і цеплаэнэргетыка». Патрабуецца таксама досьвед у будаўніцтве — ня менш як 5 гадоў. Гатовыя плаціць 2267 рублёў, але пасьля таго, як спэцыяліст адпрацуе больш за год.
ГЛЯДЗІЦЕ ТАКСАМА: «Мінімальная загрузка, абяцаюць скарачэньні». Што адбываецца зь беларускай нафтаперапрацоўкай«Нафтан»
Беларускія флягманы нафтаперапрацоўкі цяпер маюць праблемы з пастаўкамі тавару ў краіны ЭЗ праз санкцыі, але вакансіі тут ёсьць. На «Нафтане» шукаюць 79 супрацоўнікаў. Апаратчыку прыгатаваньня каталізатару прапануюць 1292 рублі.
Апаратчыку газаразьдзяленьня гатовыя плаціць 1633 рублі.
Найбольш прапануюць інжынэру-праграмісту — 1874 рублі. З патрабаваньняў — вышэйшая адукацыя, веданьне праграмы 1C і досьвед працы.
Сярэдні заробак у Беларусі за чэрвень, паводле Белстату, складаў 1626,5 рубля на месяц. Найбольшы ён у сфэры інфармацыі і сувязі — 4930,6 рубля.
ГЛЯДЗІЦЕ ТАКСАМА: Сярэдні заробак — $340. Як жывуць самыя бедныя і самыя багатыя раёны Беларусі